၂၀၁၇ ခုနှစ် တက္ကသိုလ်ဝင်တန်းစာမေးပွဲအောင်မြင်ခဲ့တဲ့ ကျောင်းသားကျောင်းသူတွေအနေနဲ့ တက္ကသိုလ်ဝင်ခွင့်လျှောက်လွှာဖောင်တွေကို သြဂုတ်လ(၈)ရက်ကနေ သြဂုတ်လ(၂၅)ရက် နောက်ဆုံးထားပြီး ထုတ်ပေးနေတာဖြစ်ပါတယ်။ တက္ကသိုလ်ဝင်ခွင့်လျှောက်လွှာဖောင်တွေကို သက်ဆိုင်ရာမြို့နယ်တွေက အခြေခံပညာအထက်တန်းကျောင်းတွေနဲ့ သက်ဆိုင်ရာ ပညာရေးမှူး ရုံးတွေမှာ ထုတ်ပေးနေတာဖြစ်ပါတယ်။ တက္ကသိုလ်ဝင်ခွင့်လျှောက်လွှာဖောင်တွေ ထုတ်ပေးရာမှာ လာရောက်ထုတ်ယူတဲ့ကျောင်းသားကျောင်းသူတွေ အနေနဲ့ မိမိတို့ စာမေးပွဲဖြေဆိုခဲ့တဲ့ ကျောင်းတွေမှာ   မိမိတို့ ရဲ့ မှတ်ပုံတင်ယူလာပြီး လျှောက်လွှာဖောင်တွေကို ထုတ်ယူနိုင်တယ်လို့လည်း သိရပါတယ်။
 
တက္ကသိုလ်ဝင်ခွင့်လျှောက်လွှာဖောင်ထုတ်ယူရာမှာ တက္ကသိုလ်ဝင်တန်းစာမေးပွဲအောင်မြင်ခဲ့တဲ့ အမှတ်စာရင်း၊ တက္ကသိုလ်ဝင်ခွင့်လမ်းညွှန်စာအုပ်နဲ့ တက္ကသိုလ်ဝင်ခွင့်လျှောက်ထားရမယ့် ပုံစံစာအိတ်တွေကို ပါဝင်တယ်လို့ သိရပါတယ်။တက္ကသိုလ်ဝင်ခွင့်လျှောက်လွှာတွေကို လျှောက်ထားရာမှာ ယခင်နှစ်တွေကလို တက္ကသိုလ်ဝင်ခွင့်စိစစ်ရေးအဖွဲ့ကို တိုက်ရိုက်လျှောက်ထားစရာမလိုပဲနဲ့ တိုင်းဒေသကြီးပြည်နယ် အသီးသီးက တက္ကသိုလ်(၁၇)ခုကို သွားရောက်လျှောက်ထားရမှာဖြစ်ပြီး သတ်မှတ်ရက်ထက် ကျော်လွန်ပါက အဆင့်မြင့်ပညာဦးစီးဌာန(ရန်ကုန်ရုံးခွဲ)ကို ပေးပို့လျှောက်ထားရမှာ ဖြစ်တယ်လို့ လည်း သိရပါတယ်။
 
ယခုနှစ်ပညာသင်နှစ်မှစတင်ပြီး တက္ကသိုလ်ဝင်ခွင့်လျှောက်လွှာ ဖောင်တွေကို မြစ်ကြီးနား၊ လွိုင်ကော်၊ ဘားအံ၊ ဟားခါး၊ မုံရွာ၊ ထားဝယ်၊ တောင်ငူ၊ ပဲခူး၊ မကွေး၊ မန္တလေး၊ မော်လမြိုင်၊ စစ်တွေ၊ ရန်ကုန်၊တောင်ကြီး၊လားရှိုး၊ကျိုင်းတုံနဲ့ ပုသိမ်တက္ကသိုလ်တို့မှာ လျှောက်ထားနိုင်တယ်လို့ သိရပါတယ်။ 
 
 
 

Related News