၂၀၁၇-၂၀၁၈ပညာသင်နှစ်အတွက် ရန်ကုန်တိုင်းဒေသကြီးအတွင်း ကျောင်းပြင်ပမူလတန်း ပညာရေးလုပ်ငန်းဖွင့်ပွဲကို သြဂုတ်လ(၁၂)ရက်နေ့က လှိုင်သာယာမြို့နယ် အမှတ်(၂)အခြေခံပညာ အထက်တန်းကျောင်းမှာ ပြုလုပ်ခဲ့ပါတယ်။ပညာရေးဝန်ကြီးဌာန၊ ကျောင်းပြင်ပနှင့်တစ်သက်တာပညာရေးဦးစီးဌာနအနေနဲ့ အကြောင်း အမျိုးမျိုးကြောင့် ပညာသင်ကြားခွင့်ဆုးံရှုံးနေတဲ့ကလေးငယ်တွေအတွက် ပညာသင်ကြားခွင့်ရရှိစေဖို့ (၂၀၁၆) စက်တင်ဘာလမှစပြီး ကျောင်းပြင်ပပညာရေးကို စတင်အကောင်အထည်ဖော်ခဲ့ပြီး အခု၂၀၁၇-၂၀၁၈ပညာသင်နှစ်မှာ ကျောင်းပြင်ပမူလတန်းပညာရေးအတွက် ကျောင်းပြင်ပပညာသင်ခွင့်ရတဲ့ မြို့နယ်တစ်ခုထဲမှာအပါအ၀င်ဖြစ်တဲ့ လှိုင်သာယာမြို့နယ်ထဲမှာ ကျောင်းပြင်ပမူလတန်းပညာရေး လုပ်ငန်းဖွင့်ပွဲအခမ်းအနားကို ကျင်းပတာဖြစ်ပါတယ်။
 
၂၀၁၇-၂၀၁၈ ပညာသင်နှစ်အတွက် ရန်ကုန်တိုင်းဒေသကြီးအတွင်း ကျောင်းပြင်ပမူလတန်း ပညာသင်ကြားမှုအဖြစ် မြို့နယ်(၁၂)မြို့နယ်ကို သင်ကြားပေးသွားမှာဖြစ်ပြီး ကျောင်းသားကျောင်းသူ ဦးရေအနေနဲ့(၁၆၀၉)ဦးကို သင်ကြားပေးသွားမှာဖြစ်တယ်လို့သိရပါတယ်။ ကျောင်းပြင်ပမူလ တန်းပညာရေး သင်ကြားမှုအဖြစ် ရန်ကုန်တိုင်းဒေသကြီးအတွင်းက ဒဂုံမြို့သစ်တောင်ပိုင်းမြို့နယ်၊ ဒဂုံဆိပ်ကမ်းမြို့နယ်၊ သာကေတမြို့နယ်၊ ကြည့်မြင်တိုင်မြို့နယ်၊ သန်လျင်မြို့နယ်၊ ကျောက်တန်းမြို့နယ်၊ ရွှေပြည်သာမြို့နယ်၊ ကော့မှူးမြို့နယ်၊ မင်္ဂလာဒုံမြို့နယ်၊ တိုက်ကြီးမြို့နယ်၊ ဒလမြို့နယ်၊ လှိုင်သာယာမြို့နယ်စတဲ့မြို့နယ်တွေမှာ ဆရာ၊ဆရာမဦးရေ(၁၄၇)ဦးနဲ့စာသင်ဝိုင်းပေါင်း (၆၉)၀ိုင်းဖွင့်လှစ်သင်ကြားပေးသွားမှာဖြစ်ပါတယ်။ပညာရေးဝန်ကြီးဌာန၊ ကျောင်းပြင်ပနှင့် တစ်သက်တာပညာရေးဦးစီးဌာနအနေနဲ့ ကျောင်းပြင်ပပညာ သင်ကြားမူအဖြစ်၂၀၁၆ စက်တင်ဘာလမှာစတင်အကောင်အထည်ဖော်ခဲ့ပါတယ်။ ပြီးခဲ့တဲ့ ၂၀၁၆-၂၀၁၇ ပညာသင်နှစ်က မြန်မာတစ်နိင်ငံလုံးရှိ မြို့နယ်(၄၇)မြို့နယ်မှာ သင်ကြားပေးခဲ့ပြီး အခု ၂၀၁၇-၂၀၁၈ ပညာသင်နှစ်မှာ မြို့နယ်(၈၁)မြို့နယ်မှာသင်ကြားပေးသွားမှာ ဖြစ်တယ်လို့သိရပါတယ်။
 
 
 

Related News