ရန်ကုန်နိုင်ငံခြားဘာသာတက္ကသိုလ်မှ (၂၀၁၆-၂၀၁၇) ပညာသင်နှစ် မြန်မာဘာသာ ကျွမ်းကျင်မှု သင်တန်းဆင်း လက်မှတ်ပေးအပ်ပွဲ အခမ်းအနားကို စက်တင်ဘာလ(၂၅)ရက်က ရန်ကုန်နိုင်ငံခြားဘာသာတက္ကသိုလ်ရဲ့ COE ဘက်စုံခန်းမမှာကျင်းပပြုလုပ်ခဲ့တာဖြစ်ပါတယ်။     တရုတ်၊ ကိုရီးယား၊ ဂျပန်၊ ထိုင်း၊ အီတလီ၊ ဘင်္ဂလားဒေ့ရှ် ၊ အိန္ဒိယစတဲ့နိုင်ငံ(၇) နိုင်ငံမှ ကျောင်းသား၊ ကျောင်းသူများကို ပညာသင်နှစ်(၁)နှစ်တာကာလအတွင်း မြန်မာဘာသာ ကျွမ်းကျင်တတ်မြောက်မှုဆိုင်ရာ အပြော၊ အရေး၊ အကြား နဲ့ မြန်မာသဒ္ဒါ စတဲ့စာမေးပွဲများကို ဖြေဆိုခဲ့တဲ့ ကျောင်းသား၊ ကျောင်းသူ(၁၃၅)ဦးကို သင်တန်းဆင်းလက်မှတ်ချီးမြှင့်ခဲ့တာဖြစ်ပါတယ်။

ရန်ကုန်နိုင်ငံခြားဘာသာတက္ကသိုလ် ၂၀၁၆-၂၀၁၇ပညာသင်နှစ်အတွက် မြန်မာဘာသာ ကျွမ်းကျင်မှု အခြေခံအဆင့် ကျောင်းသား၊ကျောင်းသူ(၄၆)ယောက်၊  မြန်မာဘာသာကျွမ်းကျင်မှု ကြားအဆင့် ကျောင်းသား၊ကျောင်သူ(၂၉)ယောက်၊  မြန်မာဘာသာကျွမ်းကျင်မှုအဆင့်မြင့်အဆင့် ကျောင်းသား၊ကျောင်းသူ(၆၀)ယောက်သင်တန်းပြီးမြောက်ခဲ့ပြီး လာရောက်တက်ရောက်ခဲ့တဲ့ ကျောင်းသား၊ကျောင်းသူအများစုကတော့ တရုတ်နိုင်ငံသားများဖြစ်တယ်လို့ပြောပါတယ်။   ရန်ကုန်နိုင်ငံခြားဘာသာတက္ကသိုလ်ကို နိုင်ငံရပ်ခြားမှ လာတက်ရောက်လိုတဲ့ ကျောင်းသား၊ ကျောင်းသူတွေအနေနဲ့  တက်ရောက်မယ်ဆိုပါက သက်ဆိုင်ရာနိုင်ငံမှ တက္ကသိုလ်အချင်းချင်း ပူးပေါင်းဆောက်ရွက်မှု သဘောတူစာချုပ်နဲ့ နှစ်နိုင်ငံအစိုးရ သဘောတူညီချက်စတဲ့ လိုအပ်ချက် (၂)ချက် လိုအပ်တယ်လို့သိရပါတယ်။

 

 

 

 

Related News