ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံနဲ့ပင်းတယမြို့နယ်တို့မှ တက္ကသိုလ်ဝင်တန်း အောင်မြင်ပြီး တဲ့ ကျောင်းသား၊ကျောင်းသူအယောက်(၅၀)အတွက် လေ့လာရေးခရီးစဉ်ကို Forver Group  မှ စီစဉ်တာဖြစ်ပြီး ဒီကနေ့ စက်တင်ဘာလ(၂၆)ရက်နေ့မှာတော့ MRTV-4  ရေကူးရုံးက ဌာနတွေနဲ့ စတူဒီယိုတွေကိုလိုက်လံလေ့လာခဲ့ပါတယ်။  ကျောင်းသား၊ကျောင်းသူတွေအတွက် လေ့လာရေးခရီးစဉ် မှာတော့ စက်တင်ဘာလ(၂၅)ရက်ကနေ (၂၈)ရက်နေ့အထိ Forever Group  ရဲ့လုပ်ငန်းလည်ပတ်ပုံ တွေကို လေ့လာနေတာဖြစ်ပါတယ်။  ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံနဲ့ပင်းတယမြို့နယ်တို့မှ ကျောင်းသား၊ကျောင်းသူများကို ဇွန်လ(၁၉)ရက်မှစပြီး အခြေခံအင်္ဂလိပ်စာစကားပြောနဲ့ ကွန်ပျူတာသင်တန်းတွေအပြင် Success Training တွေကိုပါ Forever Group မှသွားရောက်ပြီး သုံးလတာသင်ကြားပေးခဲ့တာဖြစ်ပါတယ်။ သင်တန်းတက်ရောက်ထားတဲ့ ကျောင်းသား ကျောင်းသူ တွေဟာ Forever Group မှဆောင်ရွက်နေတဲ့ MRTV-4  နဲ့ Channel-7 Free To Ari ရုပ်သံလိုင်းတွေမှာ ထုတ်လွှင့်နေတဲ့ ရုပ်သံအစီအစဉ်တွေကိုလေ့လာသွားမှာဖြစ်ပါတယ်။
 
ဓနုကိုယ်ပိုင်အုပ်ချုပ်ခွင့်ရဒေသ လက်အောက်မှာရှိတဲ့ ရွာငံနဲ့ပင်းတယမြို့နယ်တို့မှ  ကျောင်းသား၊ ကျောင်းသူတွေအနေနဲ့လည်း MRTV4  ရေကူးရုံးက စတူဒီယိုတွေ၊ ဌာနတွေကို လေ့လာရတာက သူတို့တွေအတွက် ပထမအကြိမ် လာရောက်လေ့လာခွင့်ရတာဖြစ်ပြီး လေ့လာခွင့်ရ တဲ့အတွက်လည်း အကျိုးကျေးဇူးတွေရရှိတယ်လို့ ကျောင်းသား ကျောင်းသူတွေက ပြောပါတယ်။ကျောင်းသား၊ကျောင်းသူတွေအနေနဲ ဒီနေ့စက်တင်ဘာလ(၂၆)ရက်နေ့ လေ့လာရေး ခရီးစဉ်မှာတော့ MRTV4  ရေကူးရုံးကဌာနတွေ၊ စတူရီယိုတွေအပါအ၀င် MRTV4 သတင်းရိုက်ကူးထုတ်လွှင့်မှုတွေ၊ The Money Drop Myanmar အစီအစဉ် ရိုက်ကူးထုတ်လွှင့် နေမှုတွေကို လေ့လာခဲ့တာ ဖြစ်ပါတယ်။ ညနေပိုင်းမှာတော့ဗိုလ်တထောင်ဘုရားကို သွားရောက် ဖူးမျှော်လေ့လာကြမှာ ဖြစ်ပါတယ်။
 
 

Related News