ပြည်တွင်းက မသန်စွမ်းသူဦးရေ (၂ဒသမ၃သန်း)နီးပါးထဲမှာ တစ်ဝက်ကျော်က ပညာသင်ကြားခွင့် ဆုံးရှုံးနေတယ်လို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ သိရပါတယ်။ မသန်စွမ်းကလေးတွေပညာသင်ကြားခွင့် ဆုံးရှုံးနေတဲ့ အပေါ်မှာ မသန်စွမ်းအဖွဲ့အစည်းအသီးသီးက မသန်စွမ်းသူများအားလုံးပါဝင်ပြီး လူတိုင်းအကျုံးဝင် ပညာရေး ဖြစ်အောင်လို့ ဆောင်ရွက်နေကြပါတယ်။ မသန်စွမ်းအဖွဲ့အစည်းအသီးသီးထဲကမှ ဧဒင်မသန်စွမ်း သက်ငယ်များ ပြုစုရိပ်မြုံအဖွဲ့ကလည်း စက်တင်ဘာလ(၂၇)ရက် လူတိုင်းအကျုံးဝင် ပညာရေးဆွေးနွေးပွဲကို ရန်ကုန်မြို့ Central ဟိုတယ်မှာပြုလုပ်ခဲ့ပါတယ်။ မသန်စွမ်းကလေးတွေ ပညာသင်ကြားခွင့် ရရှိနိုင်ရေးအတွက် ဧဒင်မသန်စွမ်းသက်ငယ်များပြုစုရိပ်မြုံအဖွဲ့အနေနဲ့ လူတိုင်းအကျုံးဝင် ပညာရေးစီမံကိန်းကို ၂၀၁၇ခုနှစ်က စတင်ဆောင်ရွက်နေတာဖြစ်ပါတယ်။

 

လူတိုင်းအကျုံးဝင် ပညာရေးစီမံကိန်းအနေနဲ့ ရန်ကုန်တိုင်းဒေသကြီးအတွင်းက မြို့နယ်(၁၀)မြို့နယ်ရှိ အခြေခံပညာကျောင်းပေါင်း (၅၅)ကျောင်းမှာတက်ရောက်နေတဲ့ မသန်စွမ်းကျောင်းသားပေါင်း (၁၀၀)ကျော်ရဲ့လိုအပ်တာတွေကိုထောက်ပံ့ပေးတဲ့အစီအစဉ်ကို လုပ်ဆောင်နေပါတယ်။ အခြေခံပညာရေးကျောင်းတွေမှာ မသန်စွမ်းတွေအတွက် သီးသန့်ဆရာ၊ ဆရာမ မထားနိုင်သလို သွားလာရေး အခက်အခဲတွေနဲ့ သင်ထောက်ကူပစ္စည်းလိုအပ်ချက်တွေရှိနေတာကြောင့် ပညာသင်ကြားခွင့် ဆုံးရှုံးနေတာဖြစ်တယ်လို့ သိရပါတယ်။ ပြည်တွင်းမှာ မသန်စွမ်း(၅၃)ရာခိုင်နှုန်းဟာ ပညာသင်ကြားခွင့်ဆုံးရှုံးနေပြီး မသန်စွမ်းသူ (၂)ရာခိုင်နှုန်းသာ အဆင့်မြင့်ပညာကို ဘွဲ့ရအောင်သင်ကြားထားနိုင်တယ်လို့ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာနရဲ့ မသန်စွမ်းသူများစစ်တမ်းများအရ သိရပါတယ်။ 

 

 

Related News