ရန်ကုန်မျက်မမြင်ကျောင်း(ခ၀ဲခြံ)မှာ အခြေခံပညာသင်ကြားပေးမှုတွေအပြင် ကျောင်းစနေချိန် လွန်ပြီးမှ ကျောင်းကိုရောက်ရှိလာခဲ့သူတွေအတွက်ကိုလည်း လက်မှုပညာတွေဖြစ်တဲ့ ကြိမ်၊၀ါး၊ တံမြက်စည်းသင်တန်းများသင်ကြားပေးနေတယ်လို့ သိရပါတယ်။ ရန်ကုန်မျက်မမြင်ကျောင်း(ခ၀ဲခြံ)မှာ ကျောင်းစတင်နေရတဲ့ အသက် (၅)နှစ်ပတ်ဝန်းကျင်ကို ကျော်ပြီး အသက်(၁၀)နှစ်ဝန်းကျင်မှရောက်ရှိလာသူတွေအတွက် အသုံးလုံးသင်တန်းတွေကို သင်ကြား ပေးမှုအပြင် ဘ၀ရပ်တည်မှုပြုလုပ်နိုင်ဖို့ ကြိမ်၊၀ါး၊တံမြက်စည်းသင်တန်းများကို သင်ကြားပေး နေတယ်လို့သိရပါတယ်။ဒီသင်တန်းကနေ ကြိမ်နဲ့ဝါးကနေပြုလုပ်တဲ့ ကြိမ်ခေါင်းအုံး၊ကြိမ်ကုလားထိုင်၊ ကြိမ်ခုံစတာတွေကို သင်ကြားပေးနေတာဖြစ်ပြီး လူမျိုးဘာသာမရွေး အမြင်အာရုံချို့တဲ့ သူတိုင်း ဒီကျောင်းမှာ တက်ရောက်နိုင်တယ်လို့သိရပါတယ်။
 
ဒီကြိမ်၊၀ါး၊တံမြက်စည်းသင်တန်းမှာ တက်ရောက်ခွင့်ရရှိသူတွေအနေနဲ့ ရန်ကုန်မျက်မမြင် ကျောင်း(ခ၀ဲခြံ)မှာ (၃)နှစ်နေထိုင်ပြီးတက်ရောက်ရမှာဖြစ်ကာ သင်တန်းအပြီး အသက်(၁၈)နှစ် ပြည့်ခဲ့ရင်တော့ လုပ်ခလစာနဲ့အတူအလုပ်ကိုပါပေးသွားမှာ ဖြစ်တယ်လို့သိရပါတယ်။ ကျောင်းနေခွင့် မရတဲ့ အမြင်အာရုံချို့ယွင်းသူတွေအတွက် ဘ၀ရပ်တည်ဖို့အခက်အခဲ မရှိတော့ဘဲ အားငယ်စိတ်တွေကို ကုစားနိုင်တဲ့အခြေအနေတစ်ခုကို ပြောင်းလဲပေးနိုင်ခဲ့ပြီဖြစ်တယ်လို့ သိရပါတယ်။ ရန်ကုန်မျက်မမြင်ကျောင်း (ခ၀ဲခြံ)မှာ အခုလိုကျောင်းနေအရွယ်လွန်ပြီးမှ ရောက်လာသူတွေ အတွက် ကြိမ်၊၀ါး၊သင်တန်းအပြင် အနှိပ်သင်တန်းများကိုလည်း သင်ကြားပေးနေတယ်လို့ သိရပါတယ်။
 
 

Related News