ရန်ကုန်နိုင်ငံခြားဘာသာတက္ကသိုလ်နဲ့ စပိန်နိုင်ငံတကာပူးပေါင်းဆောင်ရွက်ရေးနှင့် ဖွံ့ဖြိုးတိုးတက်ရေးဌာန (AECID) တို့ နားလည်မှုစာချွန်လွှာလက်မှတ်ရေးထိုးခြင်းအခမ်းအနားကို အောက်တိုဘာလ(၂၄)ရက်က ရန်ကုန်နိုင်ငံခြား ဘာသာတက္ကသိုလ်မှာ ပြုလုပ်ခဲ့ပါတယ်။ အခုရေးထိုးတဲ့နားလည်မှုစာချွန်လွှာကတော့ စပိန်နိုင်ငံအစိုးရအနေနဲ့ ရန်ကုန်နိုင်ငံခြား ဘာသာတက္ကသိုလ်ကို နှစ်စဉ် စပိန်နိုင်ငံမှ စပိန်ဘာသာစကားကျွမ်းကျင် တက္ကသိုလ်ဆရာမတစ်ဦး တာဝန်ခန့်အပ်ပေးဖို့အတွက်ဖြစ်တယ်လို့သိရပါတယ်။
 
လက်ရှိရန်ကုန်နိုင်ငံခြားဘာသာ တက္ကသိုလ်မှာ စပိန်ဘာသာစကားကိုညနေပိုင်းသင်ကြားနေတာ(၆)လခန့် ရှိနေပြီလို့သိရပါတယ်။စပိန်ဘာသာ စကားသင်တန်းစဖွင့်ချိန်ကတည်းက စပိန်ဘာသာကိုသင်ကြားလိုတဲ့ ကျောင်းသား၊ ကျောင်းသူများက များနေပြီး လက်ရှိစာသင်ခန်းတစ်ခန်းနဲ့ စပိန်ဘာသာအချိန်ပိုင်း သင်ကြားပေးတဲ့ စပိန်လူမျိုး တစ်ဦးသာရှိတယ်လို့သိရပါတယ်။ စပိန်နိုင်ငံတကာပူးပေါင်းဆောင်ရွက်ရေးနှင့်ဖွံ့ဖြိုးတိုးတက်ရေးဌာန (AECID) အနေနဲ့ ရန်ကုန်နိုင်ငံခြားဘာသာတက္ကသိုလ်ကို နှစ်စဉ်စပိန်နိုင်ငံမှ စပိန်ဘာသာစကားကျွမ်းကျင်တက္ကသိုလ် ဆရာမတစ်ဦးတာဝန်ခန့်အပ်ပေးမယ့်အပြင် စပိန်ဘာသာစကားနဲ့ ပတ်သက်တဲ့ သင်ထောက်ကူ ပစ္စည်းတွေကိုလည်းထောက်ပံ့ပေးသွားမယ်လို့ သိရပါတယ်။
 
ရန်ကုန်နိုင်ငံခြားဘာသာတက္ကသိုလ်မှာ စပိန်နိုင်ငံမှ စပိန်ဘာသာစကားကျွမ်းကျင်တက္ကသိုလ် ဆရာမတစ်ဦး ခန့်အပ်ပြီးပါက  စပိန်ဘာသာစကားဘွဲ့လွန်ီငစူသာေ သင်တန်း၊ မဟာဘွဲ့ သင်တန်းအထိသင်ကြားပေးသွားမှာ ဖြစ်တယ်လို့ သိရပါတယ်။အသစ်ခန့်အပ်မယ့် စပိန်နိုင်ငံမှ စပိန်ဘာသာစကားကျွမ်းကျင် တက္ကသိုလ်ဆရာမ တစ်ဦးရဲ့နေထိုင်ရေးကိုတော့ ပညာရေးဝန်ကြီး ဌာနကတာဝန်ယူမှာဖြစ်ပြီး လစာကိုတော့စပိန်နိုင်ငံအစိုးရကပေးမှာဖြစ်တယ်လို့သိရပါတယ်။
 
 

Related News