စစ်ကိုင်းတိုင်းဒေသကြီး၊ စစ်ကိုင်းမြို့နယ်အတွင်းတက်္ကသိုလ်ဝင်တန်းထူးချွန်စွာအောင်မြင်ခဲ့တဲ့ကျောင်းသားကျောင်းသူများအတွက် ဂုဏ်ပြုဆုချီးမြှင့်ပွဲကို အောက်တိုဘာ(၂၈)ရက်က စစ်ကိုင်းမြို့မြို့တော်ခန်းမမှာ ပြုလုပ်ခဲ့တယ်လို့သိရပါတယ်။
 
စစ်ကိုင်းမြို့နယ်အတွင်းက တက္ကသိုလ် ၀င်တန်းထူးချွန်စွာအောင်မြင်ခဲ့တဲ့ကျောင်းသားကျောင်းသူတွေကို ဇေယျာမောင်မယ် ပရဟိတအသင်း(စစ်ကိုင်း)က ဂုဏ်ပြုဆုချီးမြှင့်ပွဲပြုလုပ်ပေးတာဖြစ်ပြီး ယခုနှစ်မှာ ဒုတိယအကြိမ် မြောက်ပြုလုပ်တာဖြစ်တယ်လို့သိရပါတယ်။
 
အခုလိုဆုချီးမြှင့်ပွဲပြုလုပ်တာဟာ ပညာရေးကို အားပေးတာဖြစ်ပြီး ထူးချွန်တဲ့ကျောင်းသားကျောင်းသူတွေကို ဂုဏ်ပြုအားပေးတဲ့အနေနဲ့ ရည်ရွယ်ပြီးပြုလုပ်ပေးတာဖြစ်တယ်လို့သိရပါတယ်။ စစ်ကိုင်းတိုင်းဒေသကြီး၊ စစ်ကိုင်းမြို့နယ်အတွင်းမှာရှိတဲ့ ၂၀၁၆-၂၀၁၇ ပညာသင်နှစ် တက္ကသိုလ်ဝင်တန်းကို ထူးချွန်စွာအောင်မြင်ကြတဲ့ကျောင်းသားကျောင်းသူတွေ၊ ဘုန်းတော်ကြီး သင်ပညာရေးကျောင်းနဲ့မျက်မမြင်ပညာသင်ကျောင်းတွေမှ ၄ဘာသာဂုဏ်ထူးနှင့် အထက်အောင်မြင်တဲ့ ကျောင်းသားကျောင်းသူ ၃၀ကျော်ကို ဆုချီးမြှင့်တာဖြစ်တယ်လို့သိရပါတယ်။ ပရဟိတအသင်းအနေနဲ့တော့ ၂၀၁၅ခုနှစ်က စတင်တည်ထောင်ခဲ့တာဖြစ်ပြီး သဘာဝ ဘေးအန္တရာယ်ကျရောက်တဲ့ဒေသတွေမှာကူညီတာတွေ၊ ပညာရေးနဲ့ပတ်သတ်ပြီး ကူညီတာတွေပြုလုပ် လျက်ရှိတယ်လို့သိရပါတယ်။ 
 
 

Related News