မြန်မာအတွေးအခေါ်နဲ့ပတ်သက်ပြီး လေ့လာနိုင်မဲ့  ဒေါက်တာဆန်းထွန်း (ဒဿနိကဗေဒ ပါမောက်္ခ) ဌာနမှူး(ငြိမ်း) ရေးသားထုတ်ဝေတဲ့ A Principle Of Myanmar Philosophical Thought စာအုပ်ကို နိုဝင်ဘာလ ၁၀ရက်က မန္တလေးတက္ကသိုလ် ဒဿနိကဗေဒဌာနမှာ မိတ်ဆက်ခဲ့ ပါတယ်။ A Principle Of Myanmar Philosophical Thought စာအုပ်ကို ရေးသားပြုစုပြီး ထုတ်ဝေရတာဟာ ပြည်တွင်းသာမကပြည်ပကပါမြန်မာ့အတွေးခေါ်နဲ့ပတ်သက်ပြီး လေ့လာနိုင်အောင် ရည်ရွယ်ပြီး သုတေသနစာတမ်းတွေကိုစုစည်းပြီးထုတ်ဝေတာဖြစ်တယ်လို့ သိရပါတယ်။ 
 
အခုရေးသားထုတ်ဝေတဲ့စာအုပ်ကိုတော့ အင်္ဂလိပ်ဘာသာနဲ့ရေးသားထားတာဖြစ်ပြီး အဓိက အနေနဲ့ မြန်မာနိုင်ငံမှာရှိတဲ့ ဒဿနိကဗေဒဘာသာရပ်ကို လေ့လာဆည်းပူးနေတဲ့ ဂုဏ်ထူးတန်းနဲ့ မဟာတန်းကျောင်းသားကျောင်းသူတွေ၊မြန်မာ့အတွေးအခေါ်နဲ့ပတ်သတ်ပြီး လေ့လာမှုတွေ ပြုလုပ်နေတဲ့ ကျောင်းသားကျောင်းသူတွေ၊ပညာရှင်တွေအတွက်အထောက်အကူ ဖြစ်စေမှာ ဖြစ်တယ်လို့ သိရပါတယ်။ ဆရာကြီးအနေနဲ့ မြန်မာ့အတွေးအခေါ်နဲ့ ပတ်သက်ပြီး စာတမ်းများစွာလည်း ပြုစုထားပြီး ဒီစာတမ်းတွေနဲ့ပတ်သက်ပြီး ၂၀၁၅ခုနှစ်က ဂျပန်နိုင်ငံ ဆူမူတိုမိုဖောင်ဒေးရှင်းကနေ ပေးအပ်ခဲ့တဲ့ ဆုရခဲ့တယ်လို့လဲသိရပါတယ်။ အီတလီနိုင်ငံပါဗီးယား တက္ကသိုလ်ကနေ မြန်မာအတွေးအခေါ်နဲ့ ပတ်သက်ပြီးစာတမ်းပြုစုဖို့အတွက် မန္တလေးတက္ကသိုလ်ကိုလာရောက်လေ့လာဆည်းပူးနေတဲ့ ကျောင်းသားတစ်ဦးကလည်းအခုထုတ်ဝေတဲ့စာအုပ်နဲ့ပတ်သက်ပြီးအခုလိုပြောပါတယ်။ 
 
ဒီစာအုပ်မှာအတွေးအခေါ်နဲ့ ပတ်သက်ပြီးစာတမ်းပြုစုထားတာတွေကိုစုပေါင်းထားတဲ့ အခန်းပေါင်း၎ခန်းပါဝင်တယ်လို့သိရပါတယ်။ မြန်မာအတွေးခေါ်နဲ့ ပတ်သက်ပြီး အကြောင်းအကျိုးတရားကိုအခြခံပြီးပြုစုရေးသားထားတယ်လို့သိရပါတယ်။ စာအုပ်ကိုတော့ အုပ်ရေပေါင်း ၁၀၀၀ ထုတ်ဝေထားပြီးတန်ဖိုးအနေနဲ့ ၂၀၀၀ကျပ် သတ်မှတ်ထားတယ်လို့သိရပါတယ်။ 
 
 

Related News