မြန်မာနိုင်ငံတွင်းမှာရှိတဲ့ အင်ဂျင်နီယာပညာရှင်များကို  (Asean)နိုင်ငံတွေမှာသာမက (Asia Paciffic)ဒေသများအထိ  တိုးတက်နိုင်ရုံသာမကပဲ  နိုင်ငံတကာအဆင့်ကိုတက်လှမ်းဖို့ ပထမအကြိမ် အမျိုးသားအဆင့် အင်ဂျင်နီယာပညာရပ်ဆိုင် အလုပ်ရုံဆွေးနွေးပွဲကို နိုဝင်ဘာလ (၁၁)ရက်က မြန်မာနိုင်ငံအင်ဂျင်နီယာကောင်စီမှာပြုလုပ်ခဲ့တာဖြစ်ပါတယ်။ အင်ဂျင်နီယာလောကမှ ဘွဲ့ရနည်းပညာကျွမ်းကျင်သူများဖြစ်တဲ့   (Technologists)နဲ့ နည်းပညာကျွမ်းကျင်သူ (Technicians) များအတွက် Engineering Education for  Engineering Technologists & Technicians Accreditation အပါဝင် အရည်အသွေးနှင့် အရည်အချင်းများ ပြည့်ဝပြီး အသက်မွေးဝမ်းကြောင်းနယ်ပယ်များကို သတ်မှတ်လုပ်ကိုင်စေရေးအတွက် မြန်မာနိုင်ငံ အင်ဂျင်နီယာများကိုယ်စားပြု တာဝန်ရှိသူတို့ကဆွေးနွေးကြတာ ဖြစ်ပါတယ်။
 
ဆွေးနွေးပွဲမှ ရလာတဲ့ ရလဒ်(Outcome)နှင့်အညီ  နည်းပညာကျွမ်းကျင်သူများနဲ့ ဘွဲ့ရနည်းပညာ ကျွမ်းကျင် သူများကို နိုင်ငံတကာအသိအမှတ်ပြု ပညာရှင်တွေဖြစ်လာစေဖို့ ရည်ရွယ်ပြီး အလုပ်ရုံဆွေးနွေးပွဲကို ပြုလုပ်တာဖြစ်ပါတယ်။မြန်မာနိုင်ငံ အင်ဂျင်နီယာကောင်စီမှ မဟာဗျူဟာစီမံကိန်း (၂၀၁၈-၂၀၃၀)ကို ချမှတ် အကောင်ထည်ဖော်ဆောင်ရွက်နေတာ ဖြစ်ပြီး၊ ဒီမဟာဗျူဟာစီမံကိန်းရဲ့မျှော်လင့်ချက်ကတော့ နိုင်ငံတကာ အရည်အသွေးစံချိန်စံညွှန်းများနှင့် ကိုက်ညီတဲ့ မြန်မာနိုင်ငံအင်ဂျင်နီယာများနဲ့ နည်းပညာရှင်များဖြစ်ပေါ်လာစေပြီး၊ International Engineering Alliance  ရဲ့အဖွဲ့ဝင်အဖြစ် ၀င်ရောက်နိုင်မှာဖြစ်တယ်လို့ သိရပါတယ်။
 
ဒါ့အပြင် ပညာရေးဝန်ကြီးဌာနအနေနဲ့လည်း အမျိုးသားပညာရေးမဟာဗျူဟာ စီမံကိန်း (၂၀၁၆-၂၀၂၁)ကို အကောင်အထည်ဖော် ဆောင်ရွက်လျှက်ရှိရာ အဆိုပါ စီမံကိန်းရဲ့ မဟာဗျူဟာ မြောက်အပြောင်းအလဲ(၉)ရပ်ထဲက နည်းပညာနှင့် သက်မွေးပညာရေးကဏ္ဍ၊ အဆင့်မြင့် ပညာရေး ကဏ္ဍတို့မှာ အရည်အသွေးကိုအာမခံတဲ့ စစ်ဆေးအကဲဖြတ်မှုများနဲ့ဆောင်ရွက်သွားမှာ ဖြစ်တယ်လို့ သိရပါတယ်။
 
 

Related News