ရန်ကုန်တက္ကသိုလ်ရဲ့ ဆရာ၊ဆရာမများအသင်းမှာ  အသင်းဝင်ရောက်လိုသူတွေအနေနဲ့ ၀င်ရောက်နိုင်ပြီဆိုပြီး ဖိတ်ခေါ်နေတယ်လို့သိရပါတယ်။ ရန်ကုန်တက္ကသိုလ်ရဲ့ ဆရာ၊ဆရာမများ အသင်းကို ဆရာ၊ ဆရာမတွေနဲ့ ကျောင်းသား၊ကျောင်းသူတွေရဲ့သင်ကြားရေး၊ သုတေသန လုပ်ငန်းများတိုးတက်ရန်၊ မြန်မာနိုင်ငံရဲ့အဆင့်မြင့် ပညာသင်ကြားရေးနှင့် သုတေသန တိုးတက်မြင့်မားလာစေရန် စတာတွေ အတွက်ရည်ရွယ်ပြီး ဖွဲ့စည်းခဲ့တာဖြစ်တယ်လို့သိရပါတယ်။

လက်ရှိမှာတော့ ဆရာ၊ဆရာမ အယောက်(၇၅၀)ခန့်ရှိတဲ့အနက်အယောက် (၂၀၀)ခန့်သာ အသင်းဝင်ထားတာကြောင့် အသင်းဝင်တွေ ပိုမိုများပြားလာဖို့ ရည်ရွယ်ပြီး မတ်လ (၆)ရက်ကရန်ကုန်တက္ကသိုလ် ရာပြည့်အကြို ကဗျာ၊သီချင်း၊ပန်းချီ၊ အနုပညာတင်ဆက်မှုပွဲတော်မှာ အသင်း ၀င်နိုင်ရေး စီစဉ်ခဲ့တာလို့သိရပါတယ်။ အသင်းဝင်အင်အားများလာရင် နောက်လုပ်မယ့် ရည်ရွယ်ချက် တွေပိုအောင်မြင်လာမယ်လို့ဆိုပါတယ်။ရန်ကုန်တက္ကသိုလ် ရာပြည့်အကြို ကဗျာ၊သီချင်း၊ပန်းချီ၊ အနုပညာတင်ဆက်မှုပွဲတော်ကိုတော့ ဒုတိယအကြိမ်မြောက်ကျင်းပတာဖြစ်ပြီး ရန်ကုန်တက္ကသိုလ်ဆရာ၊ဆရာမများအသင်းရဲ့ လှုပ်ရှားမှု တစ်ခုအဖြစ်လည်းကောင်း၊ အနုပညာချစ်သူတွေ ရန်ကုန်တက္ကသိုလ်ရာပြည့်အကြိုမှာ ပျော်ပျော် ပါးပါးတင်ဆက်ခွင့်ရရေးအတွက်လည်းကောင်း၊ဆရာဆရာမ အသင်းဝင်အင်အား တိုးမြှင့်ရေး အတွက်လည်းကောင်း  ကျင်းပခဲ့တာဖြစ်တယ်လို့သိရပါတယ်။ 

 

 

 

Related News