ပညာရေးဝန်ကြီးဌာနရဲ့လမ်းညွှန်မှုနဲ့ လုပ်ဆောင်တဲ့ နွေရာသီဒီဂျစ်တယ်နည်းပညာသင်တန်းကို တစ်နိုင်ငံလုံးမှာရှိတဲ့ ကျောင်းသားကျောင်းသူ(၂၅၀၀၀)ကျော်ကို သင်ကြားပေးသွားမယ်လို့ သိရပါတယ်။ကျောင်းသားကျောင်းသူတွေအနေနဲ့ ကွန်ပျုတာ အခြေခံနဲ့ အင်တာနက်အသုံးပြုရာမှာ ဘေးကင်းစွာအသုံးပြုနိုင်ဖို့အပါအ၀င် မြန်မာနိုင်ငံမှာ ဒီဂျစ်တယ် နည်းပညာတက်ရောက်မှု အဆင့်တွေ ပိုမိုကောင်းမွန်လာဖို့ အတွက်ရည်ရွယ်ပြီး နွေရာသီဒစ်ဂျစ်တယ် နည်းပညာသင်တန်းကို ဖွင့်လှစ်တာလို့ သင်တန်းကို ဦးဆောင်ပြုလုပ်တဲ့ တယ်လီနောမြန်မာက သိရပါတယ်။နွေရာသီဒစ်ဂျစ်တယ်နည်းပညာသင်တန်းကို ပထမဆုံးအကြိမ်အဖြစ် နေပြည်တော်မှာရှိတဲ့KMDကွန်ပျုတာလေ့ကျင့်ရေးစင်တာမှာ မတ်လ(၈)ရက် စတင်ဖွင့်လှစ်ခဲ့ပါတယ်။

အဲဒီသင်တန်း စတင်ဖွင့်လှစ်ခြင်းအခမ်းအနားကို ပညာရေးဝန်ကြီးဌာနက တာဝန်ရှိသူတွေ၊ တယ်လီနော မြန်မာက တာဝန်ရှိသူတွေ၊ယခုအစီအစဉ်ကိုပူးပေါင်းပါဝင်တဲ့ KMD/ Ericsson  စတဲ့ အဖွဲ့အစည်းတွေ ကတာဝန်ရှိသူတွေ တက်ရောက်ခဲ့ကြပါတယ်။ နွေရာသီဒစ်ဂျစ်တယ်နည်းပညာသင်တန်းတွေကို နေပြည်တော်မှာ စတင်ဖွင့်လှစ်ခြင်းနဲ့အတူ တစ်နိုင်ငံလုံးမှာရှိတဲ့ မြို့ကြီးတွေမှာ ဆက်လက်ဖွင့်လှစ် သွားမှာဖြစ်ပါတယ်။  တယ်လီနောအနေနဲ့ ဘေးကင်းသော အင်တာနက်အသုံးပြုမှု အစီအစဉ်တွေကနေ တစ်ဆင့် အင်တာနက်ကိုအကျိုးရှိစွာ အသုံးပြုနိုင်ဖို့အတွက် ကျောင်းသားကျောင်းသူပေါင်း (၁၃၀၀၀၀)ကျော်ကိုသင်ကြားပေးခဲ့ပြီးဖြစ်တယ်လို့ သိရပါတယ်။ 

 

 

Related News