ဆောင်းဒါးရက်ကန်းနှင့် အသက်မွေးပညာသိပ္ပံ ဒီပလိုမာအပ်နှင်းပွဲကို မတ်လ ၉ ရက်က မန္တလေးတိုင်းဒေသကြီး အမရပူရမြို့သိင်္ဂီရွှေဝါခန်းမမှာ ဒုတိယအကြိမ်မြောက် ပြုလုပ်ခဲ့တာ ဖြစ်ပါတယ်။ မန္တလေးတိုင်းဒေသကြီး၊ အမရပူရမြို့မှာရှိတဲ့ ဆောင်းဒါးရက်ကန်းနှင့်အသက်မွေးပညာသိပ္ပံကရိုးရာရက်ကန်းအတတ်ပညာကိုထိန်းသိမ်းရန်ဖွံ့ဖြိုးတိုးတက်ရန်ခေတ်မီချည်မျှင်နှင့်အထည်အလိပ်ပညာကျွမ်းကျင်သူတွေ မွေးထုတ်ပေးနိုင်ရန်ရည်ရွယ်ပြီး သင်တန်းတွေကို သင်ကြားပေးနေတယ်လို့ သိရပါတယ်။ ဒီပွဲမှာတော့ ၂၀၁၆-၂၀၁၇ ခုနှစ်နဲ့ ၂၀၁၇-၂၀၁၈ ပညာသင်နှစ်အတွက် ချည်မျှင်နှင့် အထည်အလိပ် ဒီပလိုမာ(၁)နှစ်သင်တန်းကို တက်ရောက် အောင်မြင်ကြတဲ့ သင်တန်းသားသင်တန်းသူ(၃၈)ဦးကို ဒီပလိုမာလက်မှတ်ပေးအပ်တာ ဖြစ်တယ်လို့ သိရပါတယ်။

ဆောင်းဒါးရက်ကန်းနှင့်အသက်မွေးပညာသိပ္ပံမှာပုံမှန်သင်တန်းတွေအနေနဲ့ ချည်မျှင်နှင့် အထည်အလိပ်ဒီပလိုမာသင်တန်း၊ အထည်အလိပ်အတတ်ပညာကျွမ်းကျင်သင်တန်း၊ ရိုးရာလွန်းရာကျအချိတ်သင်တန်း၊ လက်ရက်ကန်းသင်တန်းနဲ့ရွှေချည်ငွေချည်ထိုးစတဲ့ သင်တန်း(၅)မျိုးကို သင်ကြားပေးနေတာဖြစ်တယ်လို့သိရပါတယ်။ ပုံမှန်သင်တန်းကို ပညာအရည်အချင်း(၄)တန်းအောင်ကစတက်ရောက်နိုင်ပြီး ဒီပလိုမာသင်တန်းကိုတော့ (၁၀)တန်းအောင်မှစတင်တက်ရောက်နိုင်ကာ သင်တန်းအမျိုးအစားလိုက်(၃)လ၊ (၆)လနဲ့ ဒီပလိုမာ သင်တန်းဆိုရင်(၁)နှစ်တက်ရမှာဖြစ်ပါတယ်။ ဆောင်းဒါးရက်ကန်းနှင့်အသက်မွေးပညာသိပ္ပံရဲ့ ပထမအကြိမ် ဒီပလိုမာလက်မှတ်အပ်နှင်းပွဲမှာ သင်တန်းသားသင်တန်းသူ(၅၅)ဦးကို ဒုတိယအကြိမ်မှာတော့ သင်တန်းသားသင်တန်းသူ(၃၈)ဦး စုစုပေါင်း (၉၃)ဦးကို ဒီပလိုမာလက်မှတ် ပေးအပ်ထားတယ်လို့ သိရပါတယ်။

ဆောင်းဒါးရက်ကန်းနှင့်အသက်မွေးပညာသိပ္ပံမှာတိုင်းနဲ့ ပြည်နယ်အသီးသီးက ရက်ကန်းပညာ အသက်မွေးဝမ်းကျောင်းကို စိတ်ပါဝင်စားကြတဲ့လူငယ်တွေလာရောက်သင်ယူပြီး သင်တန်းတက်ရောက်အောင်မြင်သူတွေအနေနဲ့ ကိုယ်ပိုင်ထုတ်လုပ်မှုလုပ်ငန်း၊ နိုင်ငံတော်ပိုင်၊ ပုဂ္ဂလိကပိုင်၊ ချည်မျှင်နှင့် အထည်စက်ရုံတွေမှာလုပ်ကိုင်နိုင်တဲ့အပြင် အသေးစားစက်မှု လက်မှုလုပ်ငန်းဦးစီးဌာနလက်အောက်ရှိ ရုံးခွဲတွေနဲ့ရက်ကန်းကျောင်းတွေမှာလည်း ပြန်လည်ဝင်ရောက် လုပ်ကိုင်နိုင်တယ်လို့ သိရပါတယ်။

 

 

Related News