မြန်မာနိုင်ငံအကောက်ခွန်ဝန်ဆောင်မှုလုပ်ငန်းရှင်များအသင်းရဲ့ ပညာရပ်ဆိုင်ရာ ကျွမ်းကျင်မှု စဉ်ဆက်မပြတ် ဖွံ့ဖြိုးတိုးတက်ရေးအစီအစဉ် အမှတ်စဉ်(၂)သင်တန်းဆွေးနွေးပွဲကို မတ်လ(၃၀)ရက်က ကုန်သည်စက်မှုအသင်းချုပ်၊ မင်္ဂလာခန်းမမှာ ပြုလုပ်ခဲ့ပါတယ်။ဒီသင်တန်းကို အာဆီယံ အီကိုနောမစ်ကွန်မြူနတီအကြောင်းအရာတွေ၊ တိရစ္ဆာန်အစားအစာ တင်သွင်းတဲ့အခါ လိုအပ်တဲ့ လုပ်ထုံးလုပ်နည်းတွေ၊ ရေထွက်ကုန်ပစ်္စည်းများတင်ပို့ခြင်းနဲ့ သွင်းကုန်ဆိုင်ရာ လုပ်ထုံးလုပ်နည်းတွေကို ပို့ကုန်သွင်းကုန်လုပ်ငန်းရှင်တွေ နားလည်သဘောပေါက် အောင် ပြုလုပ်ပေးတာဖြစ်တယ်လို့ သိရပါတယ်။

မြန်မာနိုင်ငံအကောက်ခွန်ဝန်ဆောင်မှုလုပ်ငန်းရှင်တွေအနေနဲ့ အကောက်ခွန်နဲ့ ပတ်သက်တဲ့ သင်တန်းတက်ရောက်ပြီးမှ လုပ်ငန်းလုပ်ကိုင်ခွင့်လိုင်စင်ထုတ်ပေးတာ ဖြစ်ပါတယ်။ သက်ဆိုင်ရာ ဌာနတွေအနေနဲ့ လုပ်ထုံးလုပ်နည်းပြောင်းလဲမှုတွေ ရှိနေတာကြောင့် ဒါတွေကို သိရှိနားလည်အောင် အခုလို အသင်းဝင်တွေကို ဖိတ်ခေါ်ပြီး သင်တန်းပေးခြင်းဖြစ်ပါတယ်။မြန်မာနိုင်ငံအကောက်ခွန်ဝန်ဆောင်မှု လုပ်ငန်းရှင်များအသင်းကို (၁၉၉၇)ခုနှစ်က စတင် တည်ထောင်ခဲ့တာဖြစ်ပြီး လက်ရှိမှာ အသင်းသားဦးရေ(၁၀၇၂)ဦးရှိတယ်လို့ သိရပါတယ်။

 

 

Related News