လာမယ့် (၂၀၁၈- ၂၀၁၉) ပညာသင်နှစ်မှာ ဒုတိယတန်းသင်ရိုးသစ်ပုံစံကို ပြောင်းလဲရန်အတွက် တိုင်းဒေသကြီးအဆင့် ဒုတိယတန်းသင်ရိုးသစ်ပုံစံဆွေးနွေးပွဲနဲ့သင်တန်းကို မတ်လ(၃၀)ရက်က စမ်းချောင်းမြို့နယ် အမှတ်(၂)အခြေခံပညာအထက်တန်းကျောင်းမှာ ပြုလုပ်ခဲ့ပါတယ်။ရန်ကုန်တိုင်းဒေသကြီး ပညာရေးမှူးရုံး၊ တိုင်းဒေသကြီးအဆင့် ဒုတိယတန်းသင်ရိုးသစ် ဆွေးနွေးပွဲကို ဒုတိယတန်းသင်ကြားမယ့် ဆရာ၊ဆရာမတွေကို သင်ကြားပုံစံအသစ်တွေ သင်ကြားပေးခဲ့တာဖြစ်ပါတယ်။

အထူးသဖြင့် အနောက်ပိုင်းခရိုင်နဲ့အရှေ့ပိုင်းခရိုင်က ဆရာ၊ဆရာမတွေကို သင်တန်းများ ပို့ချပေးခဲ့တာဖြစ်ပါတယ်။ အခုပြောင်းလဲမယ့် ဒုတိယတန်းသင်ရိုးသစ်မှာ ဘာသာရပ်(၁၀)မျိုး ကိုသင်ကြားရမှာဖြစ်ပြီး ဒီဘာသာရပ်တွေက မြန်မာစာ၊ အင်္ဂလိပ်စာ၊သချာင်္၊ လူမှုရေး၊သိပ္ပံ၊ဘ၀တွက်တာကျွမ်းကျင်စရာ၊ စာရိတ္တနှင့်ပြည့်သူ့နီတိ၊ ဂီတ၊ ပန်းချီ စတဲ့ ဘာသာရပ်တွေကို သင်ကြားသွားမှာဖြစ်တယ်လို့သိရပါတယ်။

ဒုတိယတန်းသင်ရိုးသစ်မှာ ယခင်သင်ရိုးဟောင်းနဲ့ မတူပဲ ကျောင်းသားကျောင်းသူဗဟိုပြု သင်ကြားပေးသွားမှာဖြစ်ပြီး သင်ကြားတဲ့အခါမှာ စာတွေ့ပဲ သင်ကြားပေးသွားမှာမဟုတ်ဘဲ လက်တွေ့ပုံစံတွေနဲ့ လည်းသင်ကြားပေးသွားမှာဖြစ်တယ်လို့သိရပါတယ်။သင်ရိုးသစ်ပြောင်းလဲတာကို လက်ရှိမှာ ဗဟိုအဆင့်တက်ရောက်ပြီးတဲ့ဆရာ၊ဆရာမတွေက  တိုင်းဒေသကြီးအဆင့် ဆရာ၊ဆရာမတွေကို သင်ကြားဆွေးနွေးပေးနေတာဖြစ်ပြီး နောက်ပိုင်းမှာ မြို့နယ်အဆင့်တွေကို သင်ကြားပေးသွားမှာဖြစ်တယ်လို့ သိရပါတယ်။

 

 

Related News