၂၀၁၈-၂၀၁၉ ခုနှစ် ပညာသင်နှစ်ရဲ့ ဒုတိယတန်းသင်ရိုးသစ်မှာ ဘာသာရပ်(၉)မျိုးကို သင်ကြားသွားမှာ ဖြစ်တယ်လို့ သိရပါတယ်။ ပြီးခဲ့တဲ့ ပညာသင်နှစ်တွေမှာ ဒုတိယတန်းသင်ရိုးဟောင်းကို မြန်မာစာ၊ အင်္ဂလိပ်စာ၊ သချာင်္နဲ့ အထွေထွေသိပ္ပံ စတဲ့ ဘာသာရပ်(၄)မျိုးကိုသင်ကြားခဲ့တာဖြစ်ပြီး လာမယ့် ၂၀၁၈-၂၀၁၉ ခုနှစ်ပညာသင်နှစ်မှာတော့ လူမှုရေး၊ ဘ၀တွက်တာကျွမ်းကျင်စရာ၊ စာရိတ္တနှင့်ပြည်သူ့နီတိ၊ ဂီတ၊ ပန်းချီစတဲ့ ဘာသာရပ်တွေကို အဓိကဘာသာရပ် များအဖြစ် တိုးချဲ့သင်ကြားပေးသွားမှာ ဖြစ်တယ်လို့ သိရပါတယ်။ အခုလို ဘာသာရပ်များတိုးချဲ့သင်ကြားမှု အပေါ်မှာ စိုးရိမ်ကြောင်းကြ နေကြတဲ့ ကလေးမိဘတွေရှိနေတယ်လို့   အနောက်ပိုင်းခရိုင်ပညာရေးမှူးရုံးမှ ဦးစီး အရာရှိက ပြောပါတယ်။

ဒုတိယတန်းသင်ရိုးသစ်မှာ အရင်သင်ရိုးဟောင်းနဲ့မတူဘဲ ကျောင်းသား၊ ကျောင်းသူ ကလေးငယ်တွေကို ကိုယ်ပိုင် စဉ်းစားတွေးခေါ်မှုမျိုးနဲ့လက်တွေ့ပုံစံမျိုးတွေကို သင်ကြားပေးသွားမှာဖြစ်တယ်လို့ သိရပါတယ်။မြန်မာနိုင်ငံပညာရေး(အခြေခံ)ပြုပြင်ပြောင်းလဲမှုရဲ့ အရေးပါတဲ့ဆောင်ရွက်မှုဖြစ်တဲ့ ပညာရေးသင်ရိုးသစ် ပြောင်းလဲမှုကိုတော့ ၂၀၁၆-၂၀၁၇ ခုနှစ်မှာ KGတန်းကို စတင်ပြောင်းလဲလာခဲ့တာ ဖြစ်ပြီး၊ ယခု ၂၀၁၈-၂၀၁၉ ပညာသင်နှစ်မှာတော့ ဒုတိယတန်းသင်ရိုးသစ်ပုံစံကိုပြောင်းလဲဖို့ တိုင်းဒေသကြီးအဆင့်မှ ခရိုင်အဆင့်၊ ခရိုင်အဆင့်မှ မြို့နယ်အဆင့်ရှိ ဒုတိယတန်းကို သင်ကြားသွားမယ့် ဆရာ၊ ဆရာမတွေကို ဒုတိယတန်း (Grade -2 ) သင်ရိုးသစ် ဆွေးနွေးပွဲ/ သင်တန်းများကိုလည်း ပို့ချပေးနေတာ ဖြစ်ပါတယ်။

 

 

Related News