၂၀၁၈ -၂၀၁၉ ပညာသင်နှစ် အခြေခံပညာကျောင်းတွေမှာ Grade - 2 ( ဒုတိယတန်း) သင်ရိုးသစ်ကိုပြောင်းလဲသင်ကြားမှာ ဖြစ်ပါတယ်။Grade - 2 ဒုတိယတန်း သင်ရိုးသစ်သင်တန်းတွေကို တိုင်းဒေသကြီးအဆင့်၊ ခရိုင်အဆင့်မှာ ပြုလုပ်ခဲ့ပြီး ကျောင်းအုပ်စုအဆင့်အဖြစ် အခုမန္တလေး ခရိုင်အတွင်းရှိ မြို့နယ်တွေကကျောင်းတွေမှာ မေလ ၈ ရက်နေ့က စတင်ပြုလုပ်နေပါတယ်။

မူလတန်းသင်ကြားတဲ့ ဆရာ/ဆရာမတွေကိုGrade - 2(ဒုတိယတန်း)သင်ရိုးသစ်သင်တန်း ပြုလုပ်တာဟာ သင်ရိုးသစ်ကိုပြောင်းလဲသင်ကြားရာမှာ ဆရာလက်စွဲမှာ ပါရှိတဲ့ သင်ရိုးညွှန်းတမ်းတွေကို ရရှိဖို့နဲ့ ကျောင်းသားတွေကိုသင်ကြားရာမှာ အခက်အခဲအနည်းဆုံးဖြစ်စေဖို့ ပြုလုပ်တာဖြစ်တယ်လို့ သိရပါတယ်။

အခြေခံပညာကျောင်းတွေမှာ သင်ရိုးသစ်နဲ့ ပတ်သက်ပြီး ၂၀၁၆-၂၀၁၇ ပညာသင်နှစ်မှာ (သူငယ်တန်း)၊ ၂၀၁၇-၂၀၁၈ မှာ Grade - 2 (ပထမတန်း)ကို သင်ရိုးသစ်တွေ ပြောင်းလဲ သင်ကြားခဲ့ပါတယ်။ လာမယ့် ၂၀၂၂-၂၀၂၃ ပညာသင်နှစ်မှာ အခြေခံပညာကျောင်းအတန်းအားလုံးက သင်ရိုးတွေကို သင်ရိုးသစ်တွေပြောင်းလဲ သင်ကြားမှာဖြစ်တယ်လို့ သိရပါတယ်။

သင်ရိုးသစ်တွေမှာ ကျောင်းသား၊ ကျောင်းသူတွေက စဉ်စားတွေးခေါ်တာ၊ လက်တွေ့လုပ်ဆောင်တာ၊ မေးခွန်းမေးတာ နဲ့ အဖွဲ့လိုက်လုပ်ဆောင်တာတွေကို ဆောင်ရွက်လာနိုင်မယ်လို့ သိရပါတယ်။ အခု မြို့နယ်တွေမှာ ပြုလုပ်တဲ့ Grade - 2(ဒုတိယတန်း)သင်ရိုးသစ်ကျောင်းအုပ်စုအဆင့် သင်တန်းကို တိုင်းဒေသကြီး၊ ခရိုင်တို့မှာ ပို့ချခဲ့တဲ့ သင်ရိုးသစ်တွေအတိုင်း ပို့ချသွားမှာ ဖြစ်ပါတယ်။

သင်တန်းမှာ ဆရာကိုင်လက်စွဲစာအုပ်၊ သင်ထောက်ကူနဲ့ပတ်သက်တဲ့ပစ္စည်းတွေကိုလည်း  သင်တန်းနည်းပြတွေကို ပေးအပ်ထားတယ်လို့ သိရပါတယ်။ သင်ရိုးသစ်သင်ကြားတာနဲ့ ပတ်သက်ပြီး သင်တန်းတက်ရောက်နေတဲ့ ဆရာမတစ်ဦးကလည်း အခုလိုပြောပါတယ်။ 

 

 

 

Related News