အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်)မှာ နှစ်စဉ်ပြုလုပ်နေကြဖြစ်တဲ့ အနုပညာနဲ့ပတ်သက်တဲ့ စာတမ်းဖတ်ပွဲကို မေလ(၁၅)ရက်က အမျိုးသားယဉ်ကျေးမှုနှင့် အနုပညာ တက္ကသိုလ်ရဲ့ အနုပညာခန်းမ၊ သရဖီဆောင်မှာပြုလုပ်ခဲ့ပါတယ်။
 
အနုပညာနဲ့ပတ်သက်တဲ့သုတေသနဟာ မြန်မာနိုင်ငံမှာရှားပါးတာကြောင့် ပြုလုပ်တာဖြစ်ပြီး ရရှိလာတဲ့ ရလဒ်တွေကို အမျိုးသားယဉ်ကျေးမှုနှင့်အနုပညာတက္ကသိုလ်မှာ သင်ကြားနည်းတွေ အဖြစ်ပြန်လည် အသုံးချသင်ကြားပေးတာဖြစ်ပါတယ်။ အဓိကဘာသာရပ်တွေဖြစ်တဲ့ ဂီတ၊ သဘင်၊ ပန်းချီ၊ ပန်းပု၊ ရုပ်ရှင်စတဲ့ ဘာသာရပ်(၅)ခုမှ ဆရာဆရာမတွေက လေ့လာထားတဲ့ ကွာဟချက်တွေကို နှိုင်းယှဉ်ပြီး စာတမ်းဖတ်ကြားခဲ့ကြတာဖြစ်ပါတယ်။
 
စာတမ်းဖတ်ပွဲမှာ သဘင်ပညာဌာနမှ ကုန်းဘောင်ခေတ်နန်းတွင်းညီလာခံကျင်းပပုံနှင့် မြန်မာ့ဇာတ်ကြီးမှ ညီလာခံကျင်းပုံကို နှိုင်းယှဉ်လေ့လာခြင်း၊ ပန်းချီပန်းပုပညာဌာနမှ ရုပ်ဝတ္ထု၏စစ်မှန်သောဖြစ်ပျက်ပြောင်းလဲမှုသရုပ်သကန်ကို ပန်းချီဖန်တီးမှုဆိုင်ရာ ရှုထောင့်မှ စဉ်ဆက်မပြတ်ကြည့်ရှုခြင်း၊ ရုပ်ရှင်နဲ့ပြဇာတ်ဌာနမှ ပြောင်းလဲလာတဲ့ရုပ်ရှင်ပုံစံများနဲ့ ဂီတဌာနမှ အင်္လကာကျော်စွာ 
စောင်းဦးဘသန်းရဲ့ စောင်းတီးခတ်ပုံနည်းစနစ် အစရှိတဲ့ ဘာသာရပ်ဆိုင်ရာ စာတမ်းတွေကိုဖတ်ကြားခဲ့ကြပါတယ်။
 
အမျိုးသားယဉ်ကျေးမှုနှင့် အနုပညာတက္ကသိုလ်(ရန်ကုန်)ရဲ့ (၂၅)နှစ်ပြည့် ငွေရတု အခမ်းအနားနဲ့ တိုက်ဆိုင်နေတာကြောင့် ငွေရတုအထိမ်းအမှတ်အနေနဲ့အခုစာတမ်းဖတ်ပွဲကို ပြုလုပ်တာဖြစ်တယ်လို့သိရပါတယ်။
 
 
 
 

Related News