ပညာရေးပြုပြင်ပြောင်းလဲမှုတွေပြုတွေပြုလုပ်ရာမှာ တစ်နှစ်ထက်တစ်နှစ် ကျောင်းသား နှင့်ဆရာ အချိုးမြင့်မားလာခြင်းက အဓိကစိန်ခေါ်မှုအခက်အခဲထဲမှာ အပါအ၀င်ဖြစ်တယ်လို့ မေလ၂၁ ရက်ကနေပြည်တော် ပြန်ကြားရေးဝန်ကြီးဌာန ရုံးမှာပြုလုပ်ခဲ့တဲ့ နိုင်ငံတော်အစိုးရ၏ ဒုတိယတစ်နှစ်တာ ကာလအတွင်း ဆောင်ရွက်ချက်သတင်းစာရှင်းလင်းပွဲမှာ  ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး ကပြောပါတယ်။ ကျောင်းသားဦးရေတိုးတက်လာခြင်းကြောင့် ကျောင်သားနဲ့ဆရာ အရေအတွက်အချိုးအစား မြင့်မားလာခြင်း နဲ့အတူ စာသင်ခန်းနဲ့ ကျောင်းသားအချိုးမြင့်မားလာခြင်း ၊ စာကြည့်တိုက်၊သန့်စင်ခန်းနဲ့ ICT သင်ထောက်ကူပစ္စည်းတွေ လိုအပ်မှုကလည်းအဓိက စိန်ခေါ်မှုထဲမှာ ပါဝင်တယ်လို့ ဆိုပါတယ်။

ပြီးခဲ့တဲ့ ၂၀၁၇-၂၀၁၈ပညာသင်နှစ်အတွင်း မူလတန်းကျောင်းသားဦးရေ ၅၁၅၁၃၆၁(၅.၁သန်းကျော်)ရှိပြီး အလယ်တန်းအဆင့် ကျောင်းသားဦးရေက ၂၉၇၇၁၁၄ (၂.၉)သန်းကျော်၊ အထက်တန်းအဆင့် ကျောင်းသားဦးရေက ၁၀၄၇၉၇၉(တစ်သန်းကျော်)  ရှိတာ ကြောင့် စုစုပေါင်း ကျောင်းသားဦးရေ ၉၁၇၆၄၅၄ (၉.၁)သန်းကျော်ရှိနေတယ်လို့ပြောပါတယ်။ ဒီအရေအတွက်ဟာ အရင်နှစ်ကထက် ကျောင်းသားဦးရေ ၂၈၀၀၀၀ (နှစ်သိန်းရှစ်သောင်း) ကျော်ပိုမိုများပြားလာခဲ့တယ်လို့ သတင်းစာရှင်းပွဲမှာ ပြောပါတယ်။ပြီးခဲ့တဲ့ ၂၀၁၇-၂၀၁၈ပညာသင်နှစ်မှာ  စုစုပေါင်းကျောင်းသားဦးရေ ၉၁၇၆၄၅၄ (၉.၁သန်း ကျော်)ရှိပေမဲ့ ဆရာဦးရေ စုစုပေါင်း ၃၉၇၃၈၇(လေးသိန်းနီးပါး)သာရှိနေတယ်လို့ သိရပါတယ်။  စာသင်ခန်းနဲ့ ကျောင်းသားအချိုးမြင့်မားနေခြင်းကို လျော့ချဖို့ရာအတွက် လာမည့် ၅နှစ်တာ ကာလအတွင်း တစ်နိုင်ငံလုံးမှာကျောင်းဆောင်ပေါင်း ၂၃၂၃၄(နှစ်သောင်းသုးံထောင်ကျော်)ကို ထပ်မံဆောက်လုပ်ပေးသွားမယ်လို့ သိရပါတယ်။ 

 

 

Related News