၂၀၁၈-၂၀၁၉ပညာသင်နှစ်မှာပြောင်းလဲကျင့်သုးံမယ့်ဒုတိယတန်းသင်ရိုးပြောင်းလဲမှုအတွက် အခြေခံပညာကျောင်းတွေက မူလတန်းပြဆရာမတွေရဲ့ကျောင်းအုပ်စုအဆင့်သင်တန်းဆင်းပွဲကို မေလ(၂၃)ရက်မှာကျင်းပသွားပါတယ်။ 
အခုကျင်းပတဲ့ကျောင်းအုပ်စုအဆင့်သင်တန်းဆင်းပွဲကို တစ်နိင်ငံလုံးအတိုင်းအတာနဲ့ ကျင်းပနေတာဖြစ်ပါတယ်။

ကျောင်းအုပ်စုအဆင့်သင်တန်းကို မေလ(၈)ရက်ကနေ(၂၃)ရက် အထိပြုလုပ်နေတာလည်းဖြစ်ပြီး ခြေခံပညာကျောင်းတွေကမူလတန်းပြ ဆရာမတွေကို သင်တန်းပေးနေတာပါ။ ပညာရေးဝန်ကြီးဌာနကပညာရေးပြုပြင်ပြောင်းလဲမှု မဟာဗျူဟာ စီမံကိန်းအရ ၂၀၁၆ကနေ ၂၀၂၁အထိ စီမံကိန်းရေးဆွဲထားပါတယ်။

ဒီစီမံကိန်းအရ ၂၀၁၆-၂၀၁၇ပညာသင်နှစ်ကစပြီး(kG) သင်ရိုးကိုပြောင်းလဲခဲ့ရာ ၂၀၁၇-၂၀၁၈ပညာသင်နှစ်မှာ ပထမတန်းသင်ရိုးကို ပြောင်းလဲခဲ့ပြီး အခု၂၀၁၈-၂၀၁၉ပညာသင်နှစ်မှာ ဒုတိယတန်းသင်ရိုးကို ပြောင်းလဲသွားမှာဖြစ်ပါတယ်။ အဲဒီလိုပြောင်းလဲဖို့ ခရိုင်အဆင့်၊ တိုင်းအဆင့်၊ ကျောင်းအုပ်စုအဆင့် ကဆရာ၊ဆရာမတွေကို သင်တန်းပေးခဲ့ပြီးလက်ရှိမှာ သင်ရိုးသစ်အတွက် ကျောင်းသား ကျောင်းသူတွေကိုပြန်လည်သင်ကြားဖို့ အဆင်သင့်ဖြစ်နေပြီလို့ ကျောင်းဆရာမတစ်ဦးက အခုလိုပြောပါတယ်။

အခုကျောင်းအုပ်စုအဆင့်သင်တန်းပေးနေတဲ့ ဒုတိယတန်းသင်ရိုးသင်တန်းမှာ စာတွေ့ရော လက်တွေ့ပါ ပါဝင်နေပါတယ်။ ဒါ့အပြင်ကလေးတွေစိတ်ဝင်စားလာအောင် သင်ကြားဖို့ သင်ကြားရေးပိုင်းမှာ ဆောင်ရွက်မယ့် ဆရာမတွေအတွက်သင်ရိုးသစ်ဆိုင်ရာဘာသာရပ်လမ်းညွှန် တွေလည်း စီစဉ်ထားတယ်လို့ သိရပါတယ်။

ဒုတိယတန်းသင်ရိုးမှာမြန်မာစာ၊ အင်္ဂလိပ်စာ၊ သင်္ချာ၊ အထွေထွေစတဲ့ဘာသာရပ်ေ လးခုရှိပြီးအခုပြောင်းလဲလိုက်တဲ့ သင်ရိုးမှာမြန်မာ၊ အင်္ဂလိပ်စာ၊ သင်္ချာ၊ လူမူရေး၊ သိပ်္ပံ၊ စာရိတ္တနဲ့ ပြည်သူ့နီတိ၊ ဂီတ၊ ကာယပညာ၊ ပန်းချီ၊ ဘ၀တွက်တာစတဲ့ ဘာသာရပ်တွေပါဝင်မှာ ဖြစ်ပါတယ်။ အဲဒီလိုဘာသာရပ်ပြောင်းလဲလိုက်တာဟာ ကလေးတွေတစ်ဦးချင်းသင်ကြားတာကနေအုပ်စုလိုက်သင်ယူရတာတွေရှိလာတဲ့အတွက် သင်ခန်းစာတွေကို ပိုပြီးစိတ်ဝင်စားလာမှာဖြစ်တယ်လို့ သင်တန်းတက်ရောက်ခဲ့တဲ့ ဆရာမတစ်ဦးက ပြောပါတယ်။

ပညာရေးပြုပြင်ပြောင်းလဲမှု မဟာဗျူဟာစီမံကိန်းအရ လာမယ့်နှစ်တွေမှာလည်း သင်ရိုးညွှန်းတန်းတွေ အဆင့်ဆင့်ပြောင်းလဲသွားမှာဖြစ်တယ်လို့ သိရပါတယ်။ အခုပြောင်းလဲထားတဲ့ ဒုတိယတန်းသင်ရိုးသစ်ကိုပညာရေး ၀န်ကြီးဌာနနဲ့ ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီတို့က ပူးပေါင်းရေးဆွဲထားတာလည်း ဖြစ်ပါတယ်။

 

 

 

 

Related News