တက္ကသိုလ်ကဆရာ၊ဆရာမတွေအတွက် ရည်ရွယ်ပြီး စွမ်းဆောင်ရည်မြှင့် အလုပ်ရုံဆွေးနွေးပွဲကို ဇွန်လ(၁၁)ရက်က အဆင့်မြင့်ပညာဦးစီးဌာန မန္တလေးအဝေးသင်တက္ကသိုလ်မှာ ပြုလုပ်နေပါတယ်။ ဒီအလုပ်ရုံဆွေးနွေးပွဲကို တက္ကသိုလ်က ဆရာ/ဆရာမတွေအတွက် စာသင်ခန်း စီမံခန့်ခွဲမှုတွေ၊ စွမ်းရည်၊ သင်ကြားနည်း စနစ်၊ သုတေသနစွမ်းရည်တွေတိုးတက်လာဖို့နဲ့ သင်ရိုးညွန်းတမ်းတွေကို နိုင်ငံတကာအဆင့်မီပြောင်းလဲနိုင်ဖို့ ရည်ရွယ် ပြုလုပ်တာ ဖြစ်တယ်လို့ သိရပါတယ်။ 

အခုပြုလုပ်တဲ့ အလုပ်ရုံဆွေးနွေးပွဲကို ကနေဒါနိုင်ငံ Niagara (နိုင်ရာဂရာ) University မှ ပညာရှင်က လာရောက်ပို့ချပေးတာ ဖြစ်ပါတယ်။ မန္တလေးအဝေးသင်တက္ကသိုလ်၊ မန္တလာဒီဂရီကောလိပ်နဲ့ စစ်ကိုင်းတက္ကသိုလ်တွေက ဆရာ/ဆရာမ ၁၃၈ ဦး တက်ရောက်နေပါတယ်။ ဒီအလုပ်ရုံဆွေးနွေးပွဲမှာ သင်ရိုးညွှန်းတမ်းရေးဆွဲပြင်ဆင်ရေး၊ သင်ယူသူများအတွက် လိုအပ်တဲ့ကျွမ်းကျင်မှုများ ၊ပြည်တွင်းသုတေသနတွေကိုပြည်ပသုတေသနတွေနဲ့ ကူးပြောင်းချိတ်ဆက်နိုင်ဖို့ စတဲ့ သင်ခန်းစာတွေကို ပို့ချပေးမယ်လို့ ပြောပါတယ်။ 

အခုလို တက္ကသိုလ် ဆရာ/ဆရာမ စွမ်းဆောင်ရည်မြှင့် သင်တန်းကို ရန်ကုန်အဝေးသင်တက္ကသိုလ်နဲ့ ပုသိမ်အဝေးသင် တက္ကသိုလ်တို့မှာ ပြုလုပ်ခဲ့ပြီး ရွှေဘို၊ မြစ်ကြီးနား၊ ပခုက္ကူ၊ တောင်ကြီးနဲ့ ပြည်အဝေးသင် တက္ကသိုလ်တွေမှာလည်း ဆက်လက်ပို့ချသွားမယ်လို့ သိရပါတယ်။ အခုပြုလုပ်တဲ့ အလုပ်ရုံဆွေးနွေးပွဲကို ဇွန်လ ၁၁ ရက်နှင့် ၁၂ ရက်မှာ ပို့ချသွားမှာဖြစ်ပြီး  Niagara University က သင်တန်းဆင်းလက်မှတ်ပေးအပ်သွားမယ်လို့ သိရပါတယ်။

 

 

 

 

Related News