ပေ၊ပုရပိုက် စုဆောင်းထိန်းသိမ်းရေးအဖွဲ့ကို (၂၀၁၇)ခုနှစ် ဖေဖော်ဝါရီလမှာ စတင်ဖွဲ့စည်းခဲ့ပြီးနောက်ပိုင်း  အများပြည်သူရဲ့ လှူဒါန်းမှုတွေပိုမိုများပြားလာတာကြောင့် အမျိုးသားစာကြည့်တိုက်ရန်ကုန်အနေနဲ့ ထိန်းသိမ်းမှုတွေ ပိုမိုလုပ်ဆောင်လာရတယ်လို့သိရပါတယ်။ 

ပေပုရပိုက်တွေကို  အောက်မြန်မာပြည်ရဲ့ ၀န်ရှင်တော်မင်းကြီးဘားနပ်ဒ် စုဆောင်းထားတဲ့ ပေ၊ပုရပိုက်တွေနဲ့ စတင်ကာ (၁၉၅၂)ခုနှစ်မှာ အမျိုးသားစာကြည့်တိုက်(ရန်ကုန်) စတင်တည်ထောင်စဉ်က လွှဲပြောင်းထိန်းသိမ်းစေခဲ့တာဖြစ်ပြီး တဖြည်းဖြည်းများပြားလာခဲ့တာဖြစ်တယ်လို့သိရပါတယ်။ ဒီပေ၊ပုရပိုက်တွေကိုတော့ မြန်မာနိုင်ငံအနှံ့အပြားမှာရှိတဲ့ ဘုန်းကြီးကျောင်းများနဲ့ အများပြည်သူများရဲ့ လှူဒါန်းမှုတွေကြောင့် ပိုမိုများပြားလာခဲ့တာဖြစ်တယ်လို့သိရပါတယ်။ ယခုနှစ်အတွင်း ပေ အထုပ် (၅၀၀)နဲ့ ပုရပိုက်(၂၈)ဆူကိုလည်း လှူဒါန်းခဲ့တာကြောင့် လက်ရှိ အမျိုးသားစာကြည့်တိုက်ရန်ကုန်မှာ ပေ အထုပ်(၇၁၂၄)ထုပ်ရှိပြီး ပုရပိုက်(၂၀၀၈)ဆူအထိ ထိန်းသိမ်းထားနိုင်ပြီလို့သိရပါတယ်။

များပြားလာတဲ့ ပေတွေကိုတော့ ပျက်စီး၊ယိုယွင်းမှုမရှိအောင် ဖုန်သန့်ရှင်းရေးပြုလုပ်တာတွေ၊ ပေစည်းကြိုးအသစ်ပြန်လဲရတာတွေ၊ကျိုးပဲ့တဲ့ပေတွေကို ဆက်တာတွေ ပိုးမွှားအန္တရယ်တွေအတွက် စပါးလင်ဆီသုတ်ရတာတွေကိုလုပ်ဆောင်ရတယ်လို့သိရပါတယ်။ပုရပိုက်တွေကိုတော့ ပေါက်ပြဲမှုတွေအတွက် မိုင်းကိုင်စက္ကူတွေနဲ့ ပြန်ဖာထေးပြီး မိုင်းကိုင်စက္ကူတွေနဲ့ ထုတ်ကာသိမ်းဆည်းထားရတာတွေလည်းရှိတယ်လို့ဆိုပါတယ်။ ဒါ့အပြင် ပေပုရပိုက်တွေကို စိုထိုင်းစအတွက် သတ်မှတ်အပူချိန်တွေနဲ့ထားရှိရသလို ပိုးမွှားအန္တရယ်တွေအတွက်လည်းပရုပ်လုံးများထားရှိထားရတယ်လို့သိရပါတယ်။

အမျိုးသားစာကြည့်တိုက်(ရန်ကုန်)မှာ ထိန်းသိမ်းထားတဲ့ ပေ၊ပုရပိုက်တွေကို သုတေသနပြုလုပ်နေတဲ့ သုတေသီတွေလေ့လာခွင့်ရအောင်ခွင့်ပြုပေးထားပြီး နောက်ပိုင်းမှာတော့ ပေ၊ပုရပိုက်တွေကို  Digital Format အနေနဲ့ ဖတ်ရှုလေ့လာနိုင်အောင်သာစီစဉ်ပေးသွားမယ်လို့သိရပါတယ်။ပေ၊ပုရပိုက်တွေကို ကိုယ်ပိုင် ထိန်းသိမ်းစုဆောင်းထားသူများ၊သိမ်းဆည်းထားတဲ့ဘုန်းကြီးကျောင်းများအနေနဲ့ အမှတ် (၈၅)၊သီရိမင်္ဂလာလမ်းသွယ်၊ကမ္ဘာအေးဘုရားလမ်း၊ရန်ကင်းမြို့နယ်မှာရှိတဲ့ အမျိုးသားစာကြည့်တိုက်(ရန်ကုန်)ကို ဆက်သွယ်လှူဒါန်းနိုင်တယ်လို့သိရပါတယ်။

 

 

Related News