အမေရိက နဲ့ ဥရောပ ပေါင်းစည်းထားတဲ့ အထူးတန်းကော်ဖီအသင်းနဲ့စည်သာကုမ္ပဏီတို့ ပူးပေါင်းပြီး ကော်ဖီ နဲ့ ပတ်သက်တဲ့ အခြေခံသင်တန်းများ ပြုလုပ်နေတယ်လို့ ဇွန်လ (၁၃)ရက်ကမန္တလေးမြို့စည်သာကော်ဖီရုံးမှာ ပြုလုပ်တဲ့ကော်ဖီစကားဝိုင်း ကသိရတာဖြစ်ပါတယ်။

မြန်မာနိုင်ငံရှိ ကော်ဖီလုပ်ငန်းရှင်များ၊ ကော်ဖီလုပ်ငန်းလုပ်ကိုင်နေသောလူငယ်များ အနေနဲ့ ပြောင်းလဲလာသော ကော်ဖီ နည်းပညာကို ပိုမိုသိရှိစေဖို့ကော်ဖီနဲ့ ပတ်သက်တဲ့ အခြေခံသင်တန်းများ ပြုလုပ်ပေးနေတာဖြစ်တယ်လို့ သိရပါတယ်။ ဒီသင်တန်းတွေမှာ အခြေခံကော်ဖီဖျော်တဲ့ပညာ၊ ကော်ဖီနှပ်ဖျော်တဲ့ပညာ၊ ကော်ဖီလှော်တဲ့ပညာနဲ့ ကော်ဖီ အနံ့အရသာ ခံတဲ့ပညာစတဲ့သင်တန်းတွေကို ပြုလုပ်ပေးနေတာ ဖြစ်ပါတယ်။

ဒါ့အပြင် ကော်ဖီအများဆုံး စိုက်ပျိုးတဲ့ ပြင်ဦးလွင်ရှိ ကော်ဖီစိုက်တောင်သူများနဲ့ကော်ဖီလုပ်ငန်းရှင်များအတွက် ကော်ဖီကုန်ကြမ်းအကြောင်းသင်တန်းများပြုလုပ်ပေးသွားမယ်လို့ ပြောပါတယ်။ကော်ဖီပညာရပ်နဲ့ပတ်သက်တဲ့သင်တန်းတွေကို တစ်နှစ်မှာ နှစ်ကြိမ် ပြုလုပ်ပေးနေပြီး သင်တန်းတစ်ကြိမ်မှာ သင်တန်းသားဦးရေ (၁၂) ဦးဝန်းကျင်သာ တက်ရောက်နိုင်တယ်လို့ သိရပါတယ်။ ဒါ့အပြင် လုပ်ငန်းရှင်များရဲ့ လုပ်ငန်းလိုအပ်ချက်အရ ပြည်နယ်နဲ့တိုင်းဒေသကြီးအသီးသီးရှိလူငယ်များကို ရန်ကုန်မှာ (၃) လ ကြာသင်တန်းများ ပြုလုပ်ပေးနေတယ်လို့သိရပါတယ်။

 

 

 

 

Related News