အပြည်ပြည်ဆိုင်ရာ ကုသရေးသင်ရိုးညွှန်းတမ်းဆိုင်ရာ ဆင့်ပွားသင်တန်းကို မန္တလေးမြို့မှာ ဇွန်လ(၁၂)ရက်မှ (၁၅)ရက်ထိ (၅)ရက်ကြာပြုလုပ်ခဲ့တာ ဖြစ်ပါတယ်။ မြန်မာနိုင်ငံအပါအ၀င် ကမ္ဘာတစ်ဝန်းရှိ မူးယစ်ဆေးဝါးသုံးစွဲမှု တားဆီးကာကွယ်ရေးနဲ့ ကုသရေးကျွမ်းကျင်သူများကိုလေ့ကျင့်သင်ကြားပေးနိုင်ဖို့ အပြည်ပြည်ဆိုင်ရာကုသရေးသင်ရိုးညွှန်းတမ်းဆိုင်ရာဆင့်ပွားသင်တန်းကိုပြုလုပ်ပေးနေတာဖြစ်ပါတယ်။ ဒီသင်တန်းကို ကျန်းမာရေးနှင့်အားကစားဝန်ကြီးဌာနရဲ့ လမ်းညွှန်မှု၊ မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများတားဆီးကာကွယ်ရေးဗဟိုအဖွဲ့ရဲ့လမ်းညွှန်မှုနဲ့ ကိုလံဘိုစီမံကိန်းရဲ့မူးယစ်ဆေးဝါး အကြံပေးအစီအစဉ်မှ စီစဉ်ဆောင်ရွက်မှု၊ အမေရိကန်ပြည်ထောင်စု နိုင်ငံတကာမူးယစ်ဆေးဝါးနှင့် တားဆီးနှိမ်နင်းရေးဗျူရိုတို့ရဲ့ ပံ့ပိုးကူညီမှုနဲ့ ဆောင်ရွက်နေတာဖြစ်တယ်လို့ ပြောပါတယ်။

အပြည်ပြည်ဆိုင်ရာ ကုသရေးသင်ရိုးညွှန်းတမ်းဆိုင်ရာဆင့်ပွားသင်တန်းမှာ မြန်မာနိုင်ငံရှိ မူးယစ်ဆေးစွဲသူများကိုကုသပေးနေတဲ့ ကျန်းမာရေးဝန်ထမ်းများ၊ ပြန်လည်ထူထောင်ရေးစခန်းမှ ၀န်ထမ်းများကို မူးယစ်ဆေးစွဲရောဂါကိုင်တွယ်ဖြေရှင်းနည်း ၊ ကုသနည်းနဲ့ ကူညီစောင့်ရှောက်နည်း စတာတွေကို သင်ကြားပေးခဲ့တာ ဖြစ်တယ်လို့ ပြောပါတယ်။ ဒီသင်တန်းပြီးဆုံးပါက မူးယစ်ဆေးစွဲတဲ့ရောဂါကို ပိုမိုသိရှိပြီး လူနာများကို ထိရောက်စွာကုသနိုင်တဲ့ တတ်ကျွမ်းမှုပညာကို ရရှိမှာဖြစ်တယ်လို့ ဆိုပါတယ်။အပြည်ပြည်ဆိုင်ရာ ကုသရေးသင်ရိုးညွှန်းတမ်းဆိုင်ရာ ဆင့်ပွားသင်တန်းကို (၆) ကြိမ်မြောက် ပြုလုပ်တာဖြစ်ပြီး စစ်ကိုင်းတိုင်းဒေသကြီး၊ မန္တလေးတိုင်းဒေသကြီးနဲ့ရှမ်းပြည်နယ်မှ သင်တန်းသားများ တက်ရောက်ခဲ့ကြတယ်လို့သိရပါတယ်။ 

 

 

Related News