ကျောင်းစာကြည့်တိုက်များကို အကျိုးရှိရှိ အသုံးချခြင်းက ပညာရေးမှာအထောက်အကူ ဖြစ်နိုင်တယ်လို့  ဇွန်လ (၁၆) ရက် မန္တလေးမြို့ အ.ထ.က (၁၄) ကျောင်းမှာ ပြုလုပ်တဲ့ လူငယ်နှင့်စာကြည့်တိုက် စကားဝိုင်း ဆွေးနွေးပွဲမှ သိရပါတယ်။ကျောင်းစာကြည့်တိုက်တွေကို ပြန်လည်ရှင်သန်လာဖို့၊ ကျောင်းသားများ စာကြည့်တိုက်ဝင်တဲ့ အလေ့အထရရှိစေဖို့ ကျောင်းသားနဲ့ဆရာများ စာကြည့်တိုက်ကို အသုံးချပြီး လိုအပ်ချက်များကို စာအုပ်စာပေမှာ ရှာဖွေတတ်တဲ့ အလေ့အကျင့် ရရှိစေဖို့ ဆောင်ရွက်နေတယ်လို့ ဒီစကားဝိုင်းကို လာရောက်ဆွေးနွေးတဲ့ မြို့နယ်ပညာရေမှူးတစ်ဦးကပြောပါတယ် ။

ပညာသင်ကြားနေတဲ့ ကျောင်းသားကျောင်းသူတွေနဲ့အဆင့်နဲ့သင့်တော်မယ့် ပြင်ပဗဟုသုတများ ရရှိစေဖို့ အတန်းတိုင်းမှာ အတန်းအလိုက် စာကြည့်တိုက်တွေ ပေါ်ပေါက်စေဖို့ လုပ်ဆောင်နေတယ်လို့ ဆိုပါတယ်။ စာကြည့်တိုက်မှာ ဗဟုသုတဆိုင်ရာ အချက်အလက်များကို လေ့လာနိုင်သလို လုပ်ငန်းပိုင်းဆိုင်ရာ၊ ပညာရေးဆိုင်ရာ အချက်အလက်များကို လေ့လာနိုင်တဲ့ နေရာဖြစ်တယ်လို့ ဆိုပါတယ်။ ဒါကြောင့်  ကျောင်းသားလူငယ်တွေအတွက် အရေးပါပြီး  သတင်းအချက်အလက်တွေကို တစ်နေရာထဲမှာ ရရှိနိုင်တဲ့ နေရာတစ်ခုလည်း ဖြစ်ပါတယ်။ စာကြည့်တိုက်တွေမှာ ကျောင်းသားလူငယ်များ လာရောက်လေ့လာဖို့ဆိုရင် ၀န်ဆောင်မှု ၊ပြည့်စုံမှုနဲ့ သင်ကြားမှု စနစ်တွင် စာကြည့်တိုက်ရဲ့ အရေးပါမှုအပေါ် မူတည်နေတယ်လို့ ပြောပါတယ်။ ယခုပြုလုပ်တဲ့ လူငယ်နှင့်စာကြည့်တိုက် စကားဝိုင်း ဆွေးနွေးပွဲကို မန္တလေးမြီု့ ပြန်ကြားရေးနှင့်ပြည်သူ့ဆက်ဆံရေးဦးစီးဌာန မှ ဦးဆောင် ပြုလုပ်ခဲ့ပြီး အခြေခံပညာကျောင်းများမှ အထက်တန်းအဆင့်ကျောင်းသား/သူ (၃၀၀) ၀န်းကျင် တက်ရောက် ခဲ့တယ်လို့ သိရပါတယ်။

 

 

Related News