အဝေးသင်တက္ကသိုလ် ဘာသာရပ်တွေထဲက   စီးပွားရေးပညာ (Economics) နဲ့ စီးပွားစီမံပညာ (Business Management) ဘာသာရပ်တွေကို အရင် ၀ိဇ္ဇာသိပ္ပံတက္ကသိုလ်တွေအစား စီးပွားရေးတက္ကသိုလ် သုံးခုမှာသာ ပြောင်းလဲ သင်ကြားပေးတော့ မယ်လို့သိရပါတယ်။ ၂၀၁၈ခုနှစ် တက္ကသိုလ်ဝင်စာမေးပွဲ အောင်မြင်တဲ့ ကျောင်းသားတွေကစပြီး အဝေးသင်အတွက် ဒီဘာသာရပ်တွေကို လျှောက်ထားပါက စတင်အကျုံးဝင်မှာ ဖြစ်ပါတယ်။

ရန်ကုန်အပါအ၀င် ကရင်၊ တနင်္သာရီ၊ ပဲခူး၊ မွန်၊ ရခိုင်နဲ့ဧရာဝတီ စတဲ့တိုင်းဒေသကြီးနဲ့ပြည်နယ်တွေက ကျောင်းသား ကျောင်းသူ တွေက  ရန်ကုန်စီးပွား ရေးတက္ကသိုလ်မှာ တက်ရောက်ရမှာဖြစ်ပြီး ကချင်ပြည်နယ်၊ ချင်းပြည်နယ်၊ ရှမ်းပြည်နယ်နဲ့ စစ်ကိုင်း တိုင်းဒေသကြီးအတွက် မုံရွာစီးပွားရေး တက္ကသိုလ်နဲ့ မကွေး၊ မန္တလေးတိုင်းဒေသကြီး၊ ကယားပြည်နယ်၊ ရှမ်းအရှေ့နဲ့ ရှမ်းတောင်က ကျောင်းသား ကျောင်းသူတွေက မိတ္ထီလာ စီးပွားရေးတက္ကသိုလ်မှာ တက်ရောက်ရမှာဖြစ်ပါတယ်။

လျှောက်လွှာတွေကိုတော့ ရန်ကုန်အဝေးသင်တက္ကသိုလ်အပါအ၀င် တက္ကသိုလ်ဝင်ခွင့်လျှောက်လွှာတင်ရမယ့် တစ်နိုင်ငံလုံးက တက္ကသိုလ် (၂၃)ခု မှာ ဇူလိုင်(၂၀)ရက်အထိ လျှောက်ထားနိုင်မှာဖြစ်ပါတယ်။ လာမယ့်ပညာသင်နှစ်အတွက် အဝေးသင်ဘာသာရပ်(၁၅)ခုဖွင့်လှစ်သင်ကြားမှာဖြစ်ပြီး ၀ိဇ္ဇာဘာသာရပ်(၇)ခု သိပ္ပံဘာသာရပ်(၅)ခု၊ စီးပွားရေးဘာသာရပ်(၂)ခုနဲ့ ဥပဒေဘာသာရပ်တွေဖြစ်ပါတယ်။ အခုစီးပွားရေး ဘာသာရပ်နှစ်ခုကလွဲပြီး ကျန်ဘာသာရပ်တွေကတော့ အရင်နှစ်တွေအတိုင်း ရန်ကုန်အဝေးသင် တက္ကသိုလ် လက်အောက် ၀ိဇ္ဇာသိပ္ပံ တက္ကသိုလ် (၁၆)ခုနဲ့ မန္တလေးအဝေးသင်တက္ကသိုလ်လက်အောက် ၀ိဇ္ဇာသိပ္ပံ(၂၁)ခုမှာ တက်ရောက်နိုင်မှာ ဖြစ်ပါတယ်။

၂၀၁၈ ဇွန်လအထိ စာရင်းတွေအရူ ရန်ကုန်အဝေးသင် တက္ကသိုလ်လက်အောက် ၀ိဇ္ဇာသိပ္ပံတက္ကသိုလ်(၁၆)ခုမှာ အဝေးသင်ဘာသာရပ် တက်ရောက်သင်ကြားနေတဲ့ ကျောင်းသားကျောင်းသူ (၂၆၉၀၀၀)နီးပါးနဲ့ မန္တလေးအဝေးသင် တက္ကသိုလ် လက်အောက် ၀ိဇ္ဇာသိပ္ပံ တက္ကသိုလ် (၂၁)ခုမှာ တက်ရောက်နေသူ (၂၉၈၀၀၀)ကျော်ရှိနေပါတယ်။ အောက်မြန်မာပြည်မှာတော့ စီပွားရေး ဘာသာရပ် တက်ရောက်နေသူ တစ်သောင်းငါးရာကျော်နဲ့ စီမံစီးပွားတက်ရောက်သူ နှစ်ထောင့်ရှစ်ရာကျော်ရှိပါတယ်။

 

 

Related News