ရန်ကုန်စီးပွားရေးတက္ကသိုလ်မှာ တက်ရောက်နိုင်ဖို့ လာရောက်လျှောက်ထားတဲ့ လျှောက်လွှာပေါင်း (၃၅၇၄)စောင်ရှိနေတယ်လို့သိရပါတယ်။ရန်ကုန်စီးပွားရေးတက္ကသိုလ်အနေနဲ့ ဇွန်လ(၁၅)ရက်ကနေ ဇူလိုင်လ(၁၅)ရက်အထိ လျှောက်လွှာလက်ခံပေးခဲ့တာဖြစ်ပြီး ဇူလိုင်လ(၃၀)ရက်ကနေ သြဂုတ်လ(၈)ရက်နေ့အထိ လူတွေ့နှုတ်ဖြေ စာမေးပွဲတွေကိုဖြေဆိုရမှာဖြစ်ပါတယ်။

ရန်ကုန်စီးပွားရေးတက္ကသိုလ် (လှိုင်နယ်မြေ)အတွက် လျှောက်လွှာ(၁၃၁၄)စောင်၊ ရန်ကုန်စီးပွားရေးတက္ကသိုလ်(ရွာသာကြီး)အတွက် (၂၂၆၀)စောင်ကို လက်ခံရရှိထားပြီး စုစုပေါင်း (၃၅၇၄)စောင်ထိရှိနေတယ်လို့သိရပါတယ်။ရန်ကုန်စီးပွားရေးတက္ကသိုလ်(ရွာသာကြီး)မှာ ၀ါဏ္ဏိဇဗေဒ၊စာရင်းအင်းပညာ၊ဘောဂဗေဒ၊စီးပွားရေးလုပ်ငန်း စီမံခန့်ခွဲမှု ပညာတွေအတွက် ခေါ်ယူသွားမှာဖြစ်ပြီး ကျောင်းသားဦးရေ (၁၂၀၀)ခေါ်ယူသွားမယ်လို့သိရပါတယ်။ ရန်ကုန်စီးပွားရေးတက္ကသိုလ် (လှိုင်နယ်မြေ) မှာတော့ စာရင်းကိုင်ပညာဘွဲ့၊ ဖွံ့ဖြိုးမှုပညာ၊ လူဦးရေပညာ၊ ပြည်သူ့ရေးရာ စီမံခန့်ခွဲမှုပညာဘွဲ့တွေအတွက်  ကျောင်းသူဦးရေ(၂၀၀)ကိုခေါ်ယူသွားမှာဖြစ်တယ်လို့သိရပါတယ်။

ရန်ကုန်စီးပွားရေးတက္ကသိုလ်ရဲ့ ၀င်ခွင့် နှုတ်ဖြေစာမေးပွဲအတွက် ၀င်ခွင့်ရွေးချယ်စိစစ်ရေးအဖွဲ့ ဖွဲ့ထားပြီး စီးပွားရေးတက္ကသိုလ် ဒုတိယပါမောက္ခချုပ်နဲ့ အတူ ပါမောက္ခဌာနမှူးတွေပါဝင်တယ်လို့သိရပါတယ်။ ၀င်ခွင့်ရွေးချယ်စိစစ်ရေးအဖွဲ့(၅)ဖွဲ့က လက်ခံရရှိထားတဲ့လျှောက်လွှာတွေကို တစ်နေ့အယောက် (၄၀၀)နှုန်းနဲ့ သတ်မှတ်ထားတဲ့ရက်တွေမှာ လူတွေ့စစ်ဆေးသွားမယ်လို့သိရပါတယ်။

 

 

 

Related News