ရန်ကုန်တက္ကသိုလ်ရဲ့ သက်ဆိုင်ရာ ဘာသာရပ်အလိုက် ၀င်ခွင့်အတွက် လူတွေ့နှုတ်ဖြေစာမေးပွဲ တွေကို ဇူလိုင်လ (၂၃)ရက်မှာ စတင်စစ်ဆေးနေပြီဖြစ်ပါတယ်။ ရန်ကုန်တက္ကသိုလ်ရဲ့ အခုနှစ်မှာ ဖွင့်လှစ် သင်ကြားမယ့် ဘာသာရပ်(၂၆)ခုအတွက် ဘသာရပ်ဋ္ဌာနမှူး ပါမောက္ခတွေဦးဆောင်ပြီး ဘာသာရပ် အလိုက် လူတွေ့စစ်ဆေးတာတွေပြုလုပ်နေတာပါ။ရန်ကုန်တက္ကသိုလ်အတွက် ၀င်ခွင့်လျှောက်လွှာတွေကိုတော့  ဇွန်လ(၁၅)ရက်နေ့က ဇူလိုင်(၁၅)ရက်နေ့ အထိလျှောက်ထားခွင့်ပြုခဲ့ပြီး  အဲ့ဒီ့ထဲက သတ်မှတ်ချက်နဲ့ပြည့်စုံတဲ့ လျှောက်ထားသူတွေကို အခုလို လူတွေ့ ထပ်မံစစ်ဆေးတာဖြစ်ပါတယ်။


ရန်ကုန်တက္ကသိုလ်မှာ လူတွေ့ဖြေဆိုခွင့်ရသူ (၃၂၈၇)ဦးရှိပြီး ဇူလိုင်(၂၃)ရက်နေ့မှာတော့ လျှောက်ထားသူ တွေရဲ့ ပထမဦးစားပေး ဘာသာရပ်တွေအတွက် စစ်ဆေးတာဖြစ်ပါတယ်။ ပထမဦးစားပေးဘာသာရပ်မှာ ရွေးချယ်ခြင်းမခံရသူတွေအတွက် ဇူလိုင်(၂၅)ရက်နေ့မှာ ဒုတိယဦးစားပေးဘာသာရပ် အတွက် စစ်ဆေးမှာ ဖြစ်သလို  ဇူလိုင်(၃၀)ရက်မှာ နောက်ဆုံး တတိယဦးစားပေးဘာသာရပ်ကို စစ်ဆေးမှာ ဖြစ်ပါ တယ်။၂၀၁၇-၂၀၁၈ မှာ တက္ကသိုလ်ဝင်တန်းအောင်မြင်တဲ့ကျောင်းသားကျောင်းသူတွေဟာ  တက္ကသိုလ်(၁၁)ခုကို  တက်ရောက်သင်ကြားနိုင်ဖို့ အတွက်  သက်ဆိုင်ရာ တက္ကသိုလ်တွေ ကို တိုက်ရိုက်လျှောက်ထားစေခဲ့တာဖြစ်ပါတယ်။

အဲဒီထဲက ရန်ကုန်တက္ကသိုလ်အပါအ၀င် တက္ကသိုလ်ခြောက်ခု ကတော့ လူတွေ့စစ်ဆေးမှုတွေ ထပ်မံပြုလုပ်ပြီးမှ ကျောင်းသားခေါ်ယူတာဖြစ်ပါတယ်။အခုလူတွေ့စစ်ဆေးမှုမှာတော့ ဘာသာရပ် အပေါ်မူတည်ပြီး တစ်ဦးချင်းဝင်ရောက်ဖြေဆိုရတာတွေရှိသလို အစု အဖွဲ့အလိုက် ၀င်ရောက်ရတာလည်းရှိပါတယ်။ရန်ကုန်တက္ကသိုလ်အနေနဲ့ အခုနှစ်မှာ ဘာသာရပ်(၂၆)ခုအတွက် ကျောင်သား (၂၁၀၀)ကျော်ခေါ်ယူမှာ ဖြစ်ပြီး ၀ိဇ္ဇာဘာသာရပ် (၁၅)ခုအတွက် ကျောင်းသားဦးရေ (၁၃၀၀) နဲ့  သိပ္ပံဘာသာရပ် (၁၁)ခုအတွက် ကျောင်းသား ဦးရေ (၈၈၀)ခေါ်ယူ မှာဖြစ်ပါ တယ်။ဘာသာရပ်တစ်ခုချင်းစီအလိုက် အများဆုံး ကျောင်းသား(၁၀၀)နဲ့ အနည်းဆုံး ကျောင်းသား(၅၀) ခေါ်ယူမယ်လို့ ရန်ကုန်တက္ကသိုလ်က တရားဝင်ထုတ်ပြန်ထားပါတယ်။

 

 

 

Related News