အခု(၂၀၁၈) ခုနှစ်အတွက် ကိုယ်ပိုင်အစီအစဉ်နဲ့ ကျောင်းသားခေါ်ယူမယ့် တက္ကသိုလ်(၁၁)ခုထဲမှာ ပါဝင် တဲ့ ရန်ကုန် နိုင်ငံခြားဘာသာတက္ကသိုလ်အနေနဲ့ ၀င်ခွင့်အတွက် လူတွေ့နှုတ်ဖြေစစ်ဆေးတာတွေကို ဇူလိုင် (၂၅) ရက် နေ့က စတင်ပြုလုပ်နေပြီဖြစ်ပါတယ်။ ရန်ကုန်နိုင်ငံခြားဘာသာတက္ကသိုလ်အနေနဲ့  ဘာသာစကားရှစ်မျိုးဖွင့်လှစ်သင်ကြားမှာ ဖြစ်ပြီး ကျောင်းသား စုစုပေါင်း(၈၀၀)ကျော်ခေါ်ယူမယ်လို့သိရပါတယ်။

လက်ရှိမှာ ၀င်ခွင့်လျှောက်ထားသူက လေးထောင်ကျော် ရှိနေတယ်လို့ သိရပါတယ်။ အခုနှစ်မှာတော့အင်္ဂလိပ်ဘာသာစကား၊ထိုင်း၊တရုတ်၊ပြင်သစ်၊ဂျာမန်၊ဂျပန်၊ကိုရီးယား၊နဲ့ရုရှားဘာသာစကားသင်တန်းတွေ ဖွင့်လှစ်မှာဖြစ်ပြီး အင်္ဂလိပ်ဘာသာစကားအတွက် လူ(၁၅၀)နဲ့ထိုင်းဘာသာစကားအတွက် လူ(၅၀) ခေါ်ယူ မှာဖြစ်ပြီး ကျန်ဘာသာစကားတွေအတွက်ကတော့ လူတစ်ရာစီခေါ်ယူမှာဖြစ်ပါတယ်။

လူတွေ့စစ်ဆေးမှုတွေကိုတော့ သြဂုတ်လ(၈)ရက်နေ့အထိ ပြုလုပ်မှာဖြစ်ပြီး  ပါမောက္ခဌာနမှူး နဲ့ ဒုတိယ ပါမောက္ခချုပ်(၂)ဦး အပါအ၀င် စစ်ဆေးရေးအဖွဲ့ (၅)ဖွဲ့ ဖွဲ့ကာ တစ်ရက်ကို လူ(၃၀၀)ကျော် လက်ခံ စစ်ဆေး သွားမယ်လို့သိရပါတယ်။

လူတွေ့စစ်ဆေးတဲ့အခါ ဘာသာစကားအလိုက် ခွဲပြီးစစ်ဆေးတာမျိုးမဟုတ်ပဲ ဘာသာစကား နဲ့သက်ဆိုင် တဲ့ မေးခွန်း(၃)ခု ၊ တက္ကသိုလ်စည်းကမ်းနဲ့ရည်ရွယ်ချက် မေးခွန်း(၂)ခု စုစုပေါင်း မေးခွန်း(၅)ခုစီ မေးမှာ ဖြစ်တယ်လို့သိရပါတယ်။

ရန်ကုန်နိုင်ငံခြားဘာသာတက္ကသိုလ်ဝင်ခွင့်အတွက် တက္ကသိုလ်ဝင်တန်းစာမေးပွဲရမှတ်က (၉၀)ရာခိုင်နှုန်း အထိ ထည့်သွင်းစဉ်းစားမှာဖြစ်ပြီး လူတွေ့စစ်ဆေးမှုရလာဒ်က (၁၀)ရာခိုင်နှုန်းသာ ထည့်သွင်းတွက်ချက် မယ်လို့   ပါမောက္ခချုပ်ကပြောပါတယ်။

ရန်ကုန်နိုင်ငံခြားဘာသာတက္ကသိုလ်ကို ဂျပန်နဲ့အင်္ဂလိပ်ဘာသာစကားကို ပထမဦးစားပေး အဖြစ် လျှောက်ထားသူအများဆုံးဖြစ်ပြီး ၀င်ခွင့်ရကျောင်းသားစာရင်းတွေကိုတော့ သြဂုတ်လ(၁၅)ရက်နေ့ မှာ ထုတ်ပြန်ပေးမှာဖြစ်ပါတယ်။ ပထမနှစ်သင်တန်း တွေကိုတော့ ဒီဇင်ဘာလမှာ စတင်ဖွင့်လှစ်သင်ကြားမှာဖြစ်ပါ တယ်။ 

 

 

 

Related News