ရန်ကုန်တိုင်းဒေသကြီးအတွင်းမှာ တက္ကသိုလ်ဝင်စာမေးပွဲအောင်လက်မှတ်ထုတ်ယူသူဦးရေ တစ်သိန်းဝန်းကျင်ခန့်ထိရှိတယ်လို့ မြန်မာနိုင်ငံစာစစ်ဦးစီးဌာန မှ သိရပါတယ်။(၂၀၁၈)ခုနှစ် တက္ကသိုလ်ဝင်တန်းစာမေးပွဲအောင်မြင်ခဲ့တဲ့ တက္ကသိုလ်ဝင်စာမေးပွဲအောင်လက်မှတ်တွေကို မြန်မာနိုင်ငံစာစစ်ဦးစီးဌာန ဇွဲကပင်ဆောင်မှာ  ဇူလိုင်လအတွင်းက စတင်ထုတ်ပေးနေတာဖြစ်ပြီး တစ်နိုင်ငံလုံးအတိုင်းအတာနဲ့ ထုတ်ပေးနေတာဖြစ်ပါတယ်။ အောင်လက်မှတ်တွေထုတ်ယူရာမှာ ခြောက်လအတွင်းရိုက်ကူးထားတဲ့ ပတ်ပို့စ် ဓာတ်ပုံနှစ်ပုံ၊ နိုင်ငံသားစီစစ်ရေးကတ်ပြားမူရင်း၊ အမည်၊ မိဘအမည်၊ခုံနံပါတ်၊ စာစစ်ဌာန၊မွေးသက္ကရာဇ်နဲ့နေရပ်လိပ်စာတွေလိုအပ်တယ်လို့ သိရပါတယ်။

ရန်ကုန်တိုင်းဒေသကြီးကလွဲပြီးတခြားတိုင်းဒေသကြီးအတွင်းမှာရှိတဲ့ တက္ကသိုလ်ဝင်စာမေးပွဲအောင်လက်မှတ်ထုတ်ယူလိုသူတွေက ကိုယ်စားထုတ်ယူနိုင်ပြီး စာတိုက်ကနေတစ်ဆင့် ပေးပို့ပြီး  ထုတ်ယူနိုင်တယ်လို့သိရပါတယ်။ဒါ့အပြင် အောင်လက်မှတ် တစ်ခါထုတ်ယူပြီးတဲ့ ကျောင်းသားတွေအနေနဲ့  ပျောက်ဆုံး၊ပျက်စီးခဲ့ရင် နောက်ထပ်တစ်ကြိမ်သာထုတ်ခွင့်ရှိတော့တယ်လို့ ပြောပါတယ်။ဒါ့အပြင် တက္ကသိုလ်ဝင်တန်းစာမေးပွဲအောင်လက်မှတ်တွေကို မြန်မာနိုင်ငံစာစစ်ဌာန ဇွဲကပင်ဆောင်မှာ ၂၀၀၉ ခုနှစ်ကနေ ၂၀၁၈ခုနှစ်အထိ အောင်လက်မှတ်တွေကို ထုတ်ပေးနေတာဖြစ်ပြီ့း (၂၀၀၈)ခုနှစ်အရှေ့ပိုင်းအောင်လက်မှတ်တွေကိုတော့  လသာစာစစ်ဦးစီးဌာန ရုံးချုပ်မှာထုတ်ယူနိုင်တယ်လို့သိရပါတယ်။

 

 

Related News