မန္တလေးမြို့မှာ ဂျပန်ဘာသာသင်ကျောင်း JSC Mandalay Japanese Academy ကျောင်းကို ဇူလိုင်လ(၂၉)ရက်က ဖွင့်လှစ်ခဲ့ပါတယ်။အခုဖွင့်လှစ်တဲ့ ဂျပန်ဘာသာသင်ကျောင်းကိုမြန်မာနိုင်ငံသားလုပ်ငန်းရှင်များကတည်ထောင်ပြီး ဂျပန်နိုင်ငံ Social Education Academy Co.,Ltd က ပညာရေးကူညီထောက်ပံ့မှုတွေ ပြုလုပ်ပေးကာ ပူးပေါင်းဖွင့်လှစ်တာဖြစ်တယ်လို့ သိရပါတယ်။ ဒီကျောင်းကို မြန်မာ - ဂျပန် စီပွားရေးလုပ်ငန်းပိုမိုတိုးတက်ဖွံ့ ဖြိုးလာစေဖို့ အတွက် လိုအပ်တဲ့လူ့ စွမ်းအားအရင်းအမြစ်ကို အဓိကဖွံ့ဖြိုးတိုးတက်အောင်ကြိုးပမ်းဆောင်ရွက်ရန်၊ မြန်မာနိုင်ငံမှာရှိတဲ့ လူငယ်တွေရဲ့ အနာဂတ်ဘဝမြှင့်တင်ရေးအထောက်အကူပြုနိုင်ရန်နဲ့ ပညာရေးကဏ္ဍပံ့ပိုးရန် ရည်ရွယ်ချက်တွေနဲ့ တည်ထောင်ဖွင့်လှစ်တာဖြစ်တယ်လို့ ဂျပန်ဘာသာသင်ကျောင်း တာဝန်ရှိသူတစ်ဦးက ပြောပါတယ်။ ဂျပန်ဘာသာသင်ကျောင်းကိုတက္ကသိုလ်ဝင်တန်းအောင်မြင်ပြီးသူများတက်ရောက်နိုင်ပြီး သင်တန်းကာလအနေနဲ့ (၆)လကြာတက်ရောက်ရမှာဖြစ်ပါတယ်။

၂၀၂၃ ခုနှစ်မှာ မြန်မာနိုင်ငံပညာရေးဝန်ကြီးဌာနမှ အသိအမှတ်ပြု အသက်မွေးသင်တန်းကျောင်းတစ်ခုအဖြစ် မှတ်ပုံတင်နိုင်ဖို့အကောင်အထည်ဖော်ဆောင်ရွက်နေပြီး နောက်ပိုင်းမှာ အသက်မွေးဝမ်းကြောင်းပညာသင်ကျောင်းအဖြစ် ၂ နှစ်ပညာသင်ကြားပေးသွားမယ်လို့သိရပါတယ်။ ဒီကျောင်းမှာဂျပန်ဘာသာတစ်ခုတည်းကိုသင်ကြားပေးမှာမဟုတ်ဘဲ သင်တန်းသားတစ်ဦးချင်းစီရဲ့ အနာဂတ်အတွက် သင်တန်းသားများထဲကထူးချွန်တဲ့၂၀ရာခိုင်နှုန်းကို ဂျပန်နိုင်ငံမှာ ကုန်ထုတ်လုပ်မှု နည်းပညာကိုသင်ကြားပေးသွားမှာဖြစ်ပြီး ပြန်လည်ရောက်ရှိလာပါက မြန်မာနိုင်ငံမှာရှိတဲ့ဂျပန်ကုမ္ပဏီတွေရဲ့ စီမံခန့်ခွဲရေးဆိုင်ရာအလုပ်အကိုင်တွေမှာ လုပ်ကိုင်နိုင် အောင် ကူညီပေးသွားမယ်လို့ သိရပါတယ်။

အခုဖွင့်လှစ်လိုက်တဲ့ မန္တလေးမြို့ ဂျပန်ဘာသာသင်ကျောင်း JSC Mandalay Japanese Academy ဟာ အောင်မြေသာဇံမြို့နယ် သီရိမာလာအနောက်ရပ်ကွက် မှာတည်ရှိပါတယ်။ လက်ရှိမှာ သင်တန်းသား ဦးရေ ၁၆၀ တက်ရောက်နေပြီး ၂၀၁၉ ခုနှစ်မှာ သင်တန်းသား ၇၀၀ ဦးအထိတိုးမြှင့်သင်ကြားပေးနိုင်ဖို့ဆောင် ရွက်သွားမယ်လို့သိရပါတယ်။ 

 

 

Related News