အထက်တန်းနှင့်တက္ကသိုလ်ဝင်တန်းကျောင်းသားကျောင်းသူများအတွက် အားကျ၊ လေ့လာ၊ အတုယူပါခေါင်းစဉ်နဲ့ ပညာရေး မျှဝေဟောပြောပွဲကို ဇူလိုင်လ(၄)ရက်က Strand Hotel မှာပြုလုပ်ခဲ့ပါတယ်။ပညာရေးဟောပြောပွဲကို အထက်တန်းနှင့် ဘာသာစကားဆိုင်ရာ ပညာရေးနှင့်သင်ကြားရေးဆိုင်ရာ ၀န်ဆောင်မှုများ ပံ့ပိုးပေးလျက်ရှိတဲ့ MMTutors(ကျူတာ)က စီစဉ်ကျင်းပတာဖြစ်ပါတယ်။ ဟောပြောပွဲမှာ MMTutors(ကျူတာ)မှာ ပညာသင်ကြားပေးနေတဲ့ ၀ါရင့်ဆရာ၊ ဆရာမကြီးတွေနဲ့ တက္ကသိုလ်ပါမောက္ခချုပ်များနဲ့ နယ်ပယ်အသီးသီးမှာ ပညာသင်ကြားနေတဲ့ ၀ါရင့်ဆရာ၊ ဆရာမကြီးတွေနဲ့ ဘာသာရပ်အလိုက် ကျောင်းသူ၊ ကျောင်းသားများ၊ သိသင့်သိထိုက်တဲ့ မေးခွန်းပုံစံများ၊ ပညာရပ်ဗဟုသုတအသီးသီးကို မျှဝေပေးခဲ့တာဖြစ်တယ်လို့သိရပါတယ်။

ဒါ့အပြင် လက်ရှိပညာရေးမှာ မေးခွန်းပုံစံပြောင်းလဲတာတွေကိုလည်း ဆရာတွေက ဟောပြောပွဲမှာ ရှင်းလင်းပြောပြပေးခဲ့တယ်လို့ သိရပါတယ်။ဒီဟောပြောပွဲကို ရန်ကုန်မြို့ရှိ အစိုးရကျောင်းများနဲ့ ကိုယ်ပိုင်အထက်တန်းကျောင်းတွေမှာ  အထက်တန်းကနေ တက္ကသိုလ်ဝင်တန်းအထိ ပညာသင်ကြားနေကြတဲ့ ကျောင်းသား ၊ကျောင်းသူတွေကလည်း ပညာရေးနဲ့ပတ်သက်တဲ့ မသိရှိသေးတဲ့ ဗဟုသုတတွေကို လာရောက်နားထောင်ခဲ့ကြတယ်လို့ သိရပါတယ်။ မြန်မာပြည်ရဲ့ပညာရေးစနစ်ကို တတ်နိုင်သမျှပံ့ပိုးပေးနိုင်ဖို့အတွက် (2017)ခုနှစ်မှာစင်ကာပူအခြေစိုက်အဖြစ် MMTutors(ကျူတာ) ကိုစတင်ဖွဲ့စည်းခဲ့တယ်လို့သိရပါတယ်။

 

 

 

Related News