စက်မှုနှင့် အသက်မွေးပညာရွေ့လျားသင်တန်းမှာ အခြေခံလျှပ်စစ်ကျွမ်းကျင်မှုပညာ သင်ကြားပေး နေတယ်လို့ မနေ့ကသြဂုတ်လ (၆) ရက်က မန္တလေးစက်မှုဇုန် ကနောင်ခန်းမမှာ ပြုလုပ်တဲ့ (၇၃) ကြိမ်မြောက် သင်တန်းဖွင့်ပွဲမှ သိရပါတယ်။ ယခုပြုလုပ်တဲ့ စက်မှုနှင့် အသက်မွေးပညာရွေ့လျားသင်တန်းကို စက်မှုဝန်ကြီးဌာန၊ပညာရေးဝန်ကြီးဌာနနဲ့ မန္တလေးစက်မှုဇုန် စီမံခန့်ခွဲရေးကော်မတီတို့ ပူးပေါင်းဖွင့်လှစ်တာ ဖြစ်ပါတယ်။ ဒီသင်တန်းကို မန္တလေး စက်မှုဇုန်အတွင်းမှာရှိတဲ့ စက်မှုလုပ်ငန်းတွေကို လုပ်ကိုင်နေတဲ့ ၀န်ထမ်းတွေနဲ့လူငယ်တွေကို ကျွမ်းကျင်မှု အဆင့်အတန်းမြှင့်တင်ဖို့၊ လူ့စွမ်အားအရင်းအမြစ်တွေ ဖွံ့ဖြိုးတိုးတက်စေဖို့ ရည်ရွယ်ပြီးဖွင့်လှစ်တာ ဖြစ်တယ်လို့နည်းပညာနှင့် အသက်မွေးပညာလေ့ကျင့်ရေးဦးစီးဌာန ဒုတိယညွှန်ကြားရေးမှူးချုပ် ဒေါက်တာနေမျိုးထွန်းကပြောပါတယ်။ 

အခြေခံလျှပ်စစ်ကျွမ်းကျင်မှုပညာ သင်တန်းကို သင်တန်းသား (၆၅) ဦး တက်ရောက်ပြီး (၂) ပတ် ကြာ သင်ကြားပေးသွားမှာ ဖြစ်တယ်လို့ သိရပါတယ်။ဒီသင်တန်းမှာ စာတွေ့ လက်တွေ့ သင်ကြားပေးသွားမှာ ဖြစ်ပြီး မန္တလေးစက်မှုဇုန်ရှိ လျှပ်စစ်လုပ်သားတွေနဲ့ အပြင်မှာ လက်ရှိလုပ်ကိုင်နေတဲ့ လျှပ်စစ်လုပ်သားတွေကို ခေါ်ယူပြီး လျှပ်စစ်ပညာကို အခြေခံကျကျ တတ်မြောက်စေဖို့် သင်ကြားပေးခြင်း ဖြစ်တယ်လို့ ပြောပါတယ်။ 

စက်မှုဝန်ကြီးဌာန အနေနဲ့ စက်မှုနှင့် အသက်မွေးပညာရွေ့လျားသင်တန်းတွေကို မကွေးတိုင်းဒေသကြီး၊ရန်ကုန် တိုင်းဒေသကြီး၊စစ်ကိုင်းတိုင်းဒေသကြီး၊မန္တလေးတိုင်းဒေသကြီး၊မွန်ပြည်နယ်၊ရခိုင်ပြည်နယ်၊ကယားပြည်နယ်နဲ့ ရှမ်းပြည်နယ်တွေမှာ စုစုပေါင်း (၇၂) ကြိမ် ဖွင့်လှစ်ပေးခဲ့ပြီး သင်တန်းသား/သူ (၄၀၀၀) ကျော် လေ့ကျင့် မွေးထုတ်ပေးပြီး ဖြစ်တယ်လို့သိရပါတယ်။

 

 

Related News