ကျောင်းပြင်ပပညာရေးစနစ်ဟာ အခြေခံပညာကျာင်းတွေမှာ အကြောင်းအမျိုးမျိုးကြောင့် ပညာသင်ကြား နိုင်ခြင်းမရှိတဲ့ ကလေးတွေအတွက်က များစွာအထောက်အကူဖြစ်နေတယ်လို့ သိရပါတယ်။ ဖြိုးလဲ့ရည်ဝင်းက တင်ဆက်ပေးပါမယ်။လှိုင်သာယာမြို့နယ်အတွင်းမှာ  အကြောင်းအမျိုးမျိုးကြောင့် အခြေခံပညာကျောင်းတွေကို  တက်ရောက် ပညာသင်ကြား နိုင်ခြင်းမရှိတဲ့ ကလေးတွေများစွာ ရှိပါတယ်။ ဒီလိုကလေးငယ်တွေအတွက် ကျောင်းပညာရေးမှာ လစ်ဟင်းမှုမရှိအောင် လှိုင်သာယာမြို့နယ်ရှိ အမှတ် (၇) အခြေခံပညာအထက်တန်းကျောင်းခွဲ၊ အခြေခံပညာ အလယ်တန်းကျောင်းမှာဘဲ ကျောင်းပြင်ပပညာရေးစနစ်ကို သင်ကြားပေးနေ တာဖြစ်ပါတယ်။

ဒီလိုသင်ကြားပေးရာမှာ မူလတန်းအဆင့်နဲ့  အလယ်တန်းအဆင့်ဆိုပြီးခွဲခြား ဖွင့်လှစ်ပေးထားပြီး တက်ရောက်နေတဲ့ကျောင်းသားကျောင်းသူ (81)ဦးရှိတယ်လို့သိရပါတယ်။ အခုလို သင်ကြားပေးနေတဲ့ ကျောင်းပြင်ပ ပညာရေးစနစ်က များစွာအထောက်အကူ ဖြစ်စေတယ်လို့ ကျောင်းပြင်ပ မူလတန်းကို သင်ကြားပြသနေတဲ့ ဆရာမက ပြောပါတယ်။ကျောင်းပြင်ပ ပညာရေးစနစ်မှာလည်း အစိုးရကျောင်းတွေမှာသင်ကြားနေတဲ့  သင်ရိုးညွှန်းတမ်းပုံစံအတိုင်း သင်ကြား ပေးနေတာဖြစ်ပါတယ်။ အခြေခံပညာကျောင်းတွေမှာလို အချိန်ပြည့်သင်ကြားခြင်းမရှိဘဲ တစ်ရက်ကို (2)နာရီခွဲ အချိန်ပိုင်းသာ သင်ကြားပေးနေတာဖြစ်ပါတယ်။ဒါ့အပြင် ဒီကျောင်းမှာတက်ရောက် ပညာသင်ယူနေတဲ့  ကျောင်းသားကျောင်းသူတွေ ကို ကျောင်းစာတွေအပြင် စိတ်ဓာတ်ပိုင်းတွေကိုလည်း ပြုပြင်သင်ကြားပေးနေတယ်လို့ သိရပါတယ်။

ကျောင်းပြင်ပ မူလတန်းပညာရေးကို Level 1,2 သတ်မှတ်ထားပြီး Level 1 က အခြေခံပညာကျောင်းတွေက  KG တန်း မှ ဒုတိယတန်းနဲ့ ညီမျှပြီး level 2 ကတော့ တတိယတန်း နဲ့  စတုတ္တတန်း နဲ့ ညီမျှတယ်လို့သိရပါတယ်။ ကျောင်းပြင်ပ မူလတန်းကို (၂)နှစ် သတ်မှတ်ထားပြီး မူလတန်းအဆင့်အောင်မြင်ခဲ့ရင် အလယ်တန်းအဆင့်ကို တက်ရောက်နိုင်မှာ ဖြစ်တယ်လို့ သိရပါတယ်။ အလယ်တန်းအဆင့်ကိုတော့ (၃)နှစ်သတ်မှတ်ထားပြီး အောင်မြင်ခဲ့ရင် အထက်တန်းအဆင့်ကို  တက်ရောက်နိုင်တယ်လို့ သိရပါတယ်။ ကျောင်းပြင်ပ ပညာရေးကို  လက်ရှိမှာတော့ မူလတန်း၊ အလယ်တန်းသာ ဖွင့်လှစ်ထားနိုင်ပြီး အထက်တန်းကိုတော့ ဖွင့်လှစ်ထားခြင်းမရှိဘူးလို့သိရပါတယ်။

 

 

 

Related News