အမျိုးသားစီမံခန့်ခွဲမှုပညာဒီဂရီကောလိပ်က ကိုယ်ပိုင်စနစ်နဲ့ အမှတ်သတ်မှတ်ပြီး ကျောင်းဝင်ခွင့်ကို တိုက်ရိုက်ခေါ်ယူတာကြောင့် စိတ်ဝင်စားမှုများနေတယ်လို့ သြဂုတ်လ (9)ရက်က အမျိုးသားစီမံခန့်ခွဲမှုပညာ ဒီဂရီကောလိပ်မှာ ပြုလုပ်တဲ့ Open Campus ပွဲမှသိရပါတယ်။အမျိုးသားစီမံခန့်ခွဲမှုပညာဒီဂရီကောလိပ်မှာ ကျောင်းဝင်ခွင့်ပုံစံကို ၂၀၀၄ခုနှစ်တည်းထဲက ကိုယ်ပိုင်စနစ်နဲ့ တိုက်ရိုက်ခေါ်ယူနေတာဖြစ်ပြီး Journalism ၊Business Management ၊ Tourism and Hospitality Management ၊ English for Professional Purpose စတဲ့ဘာသာရပ်လေးခုကို သင်ကြားပေးနေတာ ဖြစ်ပါတယ်။ ဒီဘာသာရပ်တွေ တက်ရောက်နိုင်ဖို့အတွက်  ကျောင်းဝင်ခွင့်ကို အနည်းဆုံး အမှတ် (၄၃၀) သတ်မှတ်ထားတယ်လို့သိရပါတယ်။ 

တက္ကသိုလ်ဝင်တန်းအောင်မြင်ပြီး အမျိုးသားစီမံခန့်ခွဲမှုပညာဒီဂရီကောလိပ်ကို တက်ရောက်ချင်သူတွေ အတွက် မိမိတက်ရောက်ချင်တဲ့ ဘာသာရပ်အတွက် အမှတ်ပြည့်မီရမှာ ဖြစ်ပြီး တခြားသတ်မှတ်ထားတဲ့ ကန့်သတ်ချက်တွေတော့ မရှိဘူးလို့ သိရပါတယ်။ အမျိုးသားစီမံခန့်ခွဲမှု ပညာဒီဂရီကောလိပ်မှာ သင်ကြားနေတဲ့ ဘာသာရပ်(၄)ခုလုံးက လုပ်ငန်းခွင် အတွင်းလက်တွေ့ပြန်လည်အသုံးချနိုင်အောင် အထောက်အကူပြုပေးနိုင်တဲ့ ဘာသာရပ်တွေဖြစ်တာကြောင့် ကျောင်းဝင်ခွင့်လျှောက်ထားဖို့ကို  စိတ်ဝင်စားကြတယ်လို့ သိရပါတယ်။၂၀၁၈-၂၀၁၉ ပညာသင်နှစ်အတွက်ကိုတော့ ကျောင်းဝင်ခွင့်ခေါ်ယူခြင်း မရှိသေးသလို ကျောင်းဝင်ခွင့်အမှတ်သတ်မှတ်ချက် ထုတ်ပြန်ထားခြင်းလဲ မရှိသေးဘူးလို့ သိရပါတယ်။

 

 

 

Related News