၁၉၃၄ခုနှစ်လောက်ကရိုက်ကူးပြသခဲ့တဲ့ မြဂနိုင်ရုပ်ရှင်ဇာတ်ကားကို UNESCO ကမ္ဘာ့ရှေးဟောင်း အမွေအနှစ်မှတ်တမ်း ၀င်နိုင်ဖို့ ကြိုးပမ်းဆောင်ရွက်ခဲ့တဲ့ ကိုဥက္ကာ (Save Myanmar Film) နဲ့ ၂၀၁၈-၂၀၁၉ပညာသင်နှစ် တက္ကသိုလ်ဝင်တန်းမှာ ဂုဏ်ထူးရရှိသူများ ကို မြန်မာနိုင်ငံရုပ်ရှင်အစည်းအရုံးက သြဂုတ်လ( ၂၅)ရက်မှာ  ဂုဏ်ပြုပွဲပြုလုပ်ခဲ့တာဖြစ်ပါတယ်။ Save Myanmar Film အဖွဲ့အနေနဲ့ မြန်မာ့ရုပ်ရှင်ခေတ်ဦးကာလက မြဂနိုင် အသံတိတ်ရုပ်ရှင်ဇာတ်ကားရဲ့ မူလဖလင်ကို ပြန်လည်ပြုပြင်ပြီး ကမ္ဘာ့ရှေးဟောင်း အမွေအနှစ်မှတ်တမ်း ၀င်နိုင်ဖို့ကြိုးပမ်းခဲ့တာဖြစ်ပါတယ်။

ဒီလိုပြန်လည်ပြင်ဆင်ရာမှာ ရုပ်ရှင်ဇာတ်ကားကြီးနဲ့ ပတ်သက်တဲ့ အကြောင်းအရာအချို့ကို ရှာဖွေရာမှာ အခက်အခဲတစ်ချို့ရှိခဲ့တယ်လို့ သိရပါတယ်။မြန်မာနိုင်ငံရုပ်ရှင်အစည်းအရုံးမှ အခုလိုမြန်မာ့ခေတ်ဟောင်းရုပ်ရှင်ကိုကမ္ဘာ့ရှေးဟောင်းအမွေအနှစ်မှတ်တမ်းဝင်နိုင်ဖို့ ကြိုးပမ်းခဲ့တဲ့ ကိုဥက္ကာ (Save Myanmar Film)ကို ဂုဏ်ပြုလက်မှတ်ပေးအပ်ချီးမြှင့်ခဲ့ပါတယ်။ ဒါ့အပြင် မြန်မာနိုင်ငံရုပ်ရှင်အစည်းအရုံး အလွှာအသီးသီးရဲ့ သားသမီးတွေထဲက ၂၀၁၈-၂၀၁၉ ပညာသင်နှစ်တက္ကသိုလ်ဝင်တန်းမှာ ဂုဏ်ထူးရရှိသူတွေကို လည်းဂုဏ်ပြုဆုတွေချီးမြှင့်ပေးခဲ့ပါတယ်။ဒီလိုဂုဏ်ပြုဆုချီးမြှင့်ရာမှာ (၄)ဘာသာဂုဏ်ထူးရှင်တစ်ဦး၊ (၂)ဘာသာဂုဏ်ထူးရှင်နှစ်ဦး၊ (၁)ဘာသာဂုဏ်ထူးရှင်(၃)ဦး စုစုပေါင်း ဂုဏ်ထူးရှင်(၆)ဦးတို့ကို ချီ့းမြှင့်ပေးခဲ့တာဖြစ်ပါတယ်။

 

 

Related News