ဇူလိုင်လကစတင်ပြီး ကမာရွတ် TTC နဲ့ ရန်ကင်း TTC ကျောင်းတွေမှာ YRTA School Bus စနစ်ကို စတင်အကောင်အထည်ဖော်ပြေးဆွဲပေးနေပြီဖြစ်ပါတယ်။ပညာရေးတက္ကသိုလ်လေ့ကျင့်ရေး အထက်တန်းကျောင်း ကမာရွတ်TTCမှာ ၂၀၁၈ခုနှစ် ဇူလိုင်လ က စတင်ပြီး ရန်ကုန်တိုင်းဒေသကြီး အများပိုင်သယ်ယူပို့ဆောင်ရေး ကြီးကြပ်ကွပ်ကဲမှုအာဏာပိုင်အဖွဲ့ ရဲ့ စီမံချက်နဲ့ YRTA School Bus တွေ ပြေးဆွဲပေးနေတယ်လို့သိရပါတယ်။ လက်ရှိမှာ ကမာရွတ်TTC အတွက် YRTA School Bus(၂၉)စီး၊ ရန်ကင်းTTC အတွက် YRTA School Bus (၂၇)စီး၊ အရံ(၄)စီး စုစုပေါင်းအစီး(၆၀) နဲ့ပြေးဆွဲပေးနေတယ်လို့ သိရပါတယ်။ YRTA School Bus တိုင်း မှာ ကျောင်းသား၊ ကျောင်းသူ တွေကိုတာဝန်ယူကြည့်ရှုပေးဖို့ ယာဉ်မယ်တစ်ယောက်စီလဲ ထားရှိပေးထားပါတယ်။

TTCကျောင်းအတွက် ပြေးဆွဲပေးနေတဲ့ YRTA School Bus တွေကိုတော့ တစ်မြို့နယ်(၃)စီးခန့် ပြေးဆွဲပေးဖို့ သတ်မှတ်ထားပြီး ယာဉ်စီးခ လစဉ်ကြေးကို ၃သောင်းခွဲ မှ ၆သောင်းခွဲ အထိမြို့နယ်အလိုက် သတ်မှတ်ပေးထားတယ် လို့လဲ သိရပါတယ်။ ဒါ့အပြင် ဒီYRTA School Bus တွေမှာ ကျောင်းသားမိဘတွေနဲ့ ချိတ်ဆက် ပေးထားတဲ့ School Bus Application ပါထားရှိပေးထားတဲ့အတွက် မိဘတွေအနေနဲ့ ကလေးတွေရဲ့ ကျောင်းသွား၊ ကျောင်းပြန် သွားလာရေးကို ပါ စောင့်ကြည့်နိုင်မှာ ဖြစ်ပါတယ်။ ကမာရွတ်TTCကျောင်းတွေမှာ YRTA School Bus စတင်ပြေးဆွဲပေးတဲ့ ဇူလိုင်မှစပြီး အခု စက်တင်ဘာလ အထိ  ကျောင်းသား၊ကျောင်းသူ အယောက်(၅၀၀)ခန့် က လိုက်ပါစီးနင်းနေတာဖြစ်ပါတယ်။

 

 

Related News