တောင်သူလယ်သမားတွေရဲ့ ဖွံဖြိုးတိုးတက်ရေး အပါအ၀င် စပါးမျိုးကောင်းမျိုးသန့်နဲ့ နည်းပညာတွေ ထွန်းကာစေရေးအတွက် လယ်သမားတွေရှိတဲ့မြို့နယ်တွေမှာ စိုက်ပျိုးရေးအထက်တန်းကျောင်းတွေ ဖွင့်လှစ်ပေးဖို့ စက်တင်ဘာ(၂၄)ရက်က  ကျင်းပတဲ့ ဒုတိယအကြိမ်ရန်ကုန်တိုင်းဒေသကြီးလွှတ်တော်မှာ သတ္တမပုံမှန်အစည်းအဝေး အဋ္ဌမနေ့ မှ ဒလမြို့နယ် မဲဆန္ဒနယ် အမှတ်(၂) တိုင်းဒေသကြီးလွှတ်တော်ကိုယ်စားလှယ် ဦးထွေးတင်(ခ) ဦးမြသိန်းက မေးမြန်းခဲ့ပါတယ်။ တောင်သူလယ်သမားတွေ အမှန်တကယ်လိုအပ်နေတဲ့ မျိုးစပါးတွေ၊ သန့်စင်စက်တွေကို မြို့နယ်အလိုက် ကူညီပံ့ပိုးပေးဖို့ နဲ့ လယ်သမားတွေရှိတဲ့ မြို့နယ်တွေမှာ စိုက်ပျိုးရေးအထက်တန်းကျောင်းတွေ ဖွင့်လှစ်ပေးဖို့ အစီအစဉ်ရှိ/မရှိကို ဒလမြို့နယ် မဲဆန္ဒနယ် အမှတ်(၂) တိုင်းဒေသကြီးကိုယ်လွှတ်တော်ကိုယ်စားလှယ် ဦးထွေးတင်က မေးမြန်းခဲ့တာပါ။ တောင်သူလယ်သမားတွေ ဖွံ့ဖြိုးတိုးတက်ရေးအတွက်  အမှန်တကယ်လိုအပ်နေတဲ့ အချက်တွေဖြစ်လို့ ခုလိုမေးမြန်းခဲ့တာဖြစ်တယ်လို့ ဆိုပါတယ်။

မျိုးစပါးတွေ၊ သန့်စင်စက်တွေကို မြို့နယ်အလိုက်ကူညီပံ့ပိုးပေးဖို့ လတ်တလောမှာဌာနက ကူညီဖို့အစီအစဉ် မရှိကြောင်း၊  ပြည်တွင်းပြည်ပအဖွဲ့အစည်းတွေ၊ (NGO,INGO)အဖွဲ့အစည်းတွေနဲ့ ပုဂ္ဂလိကကုမ္ပဏီတွေရဲ့ အစီအစဉ်နဲ့ အရစ်ကျ၊ ချေးငွေ၊ အသေးစားချေးငွေတို့နဲ့ဝယ်ယူလို့ရကြောင်းကို ရန်ကုန်တိုင်းဒေသကြီး အစိုးရအဖွဲ့၊ စိုက်ပျိုးရေးဝန်ကြီး ဦးဟံထွန်းက ပြန်လည်ဖြေကြားပါတယ်။ လယ်သမားတွေရှိတဲ့  မြို့နယ်တွေမှာ စိုက်ပျိုးရေးအထက်တန်းကျောင်းများ ဖွင့်လှစ်လိုတဲ့ ကိစ္စနဲ့ပတ်သက်လို့တော့ တိုင်းဒေသကြီးအစိုးရအဖွဲ့ရဲ့ စီမံခန့်ခွဲမှုအတိုင်းအတာထက် ကျော်လွန်နေတဲ့ကိစ္စရပ်ဖြစ်တယ်လို့ ပြောကြားပါတယ်။

လက်ရှိမှာ တိုင်းဒေသကြီးစိုက်ပျိုးရေးဦးစီးဌာနရဲ့ သုတေသနနှင့် မျိုးစေ့ထုတ်ခြံတွေနဲ့  မြို့နယ်တွေမှာ မျိုးစေ့ထုတ်အသင်းအဖွဲ့တွေက  တောင်သူတွေအတွက် မျိုးစေ့ထုတ်လုပ်တာပေးနေ အပါအ၀င် တစ်ခရိုင်တစ်ရွာအနေနဲ့ တိုက်ကြီးမြို့နယ်က ကျေးရွာသုးံရွာ နဲ့ တစ်မြို့နယ်တစ်ရွာအနေနဲ  မြို့နယ်(၁၃)ခုမှာ မျိုးစေ့ထုတ်လုပ်ငန်းတွေကို ဆောင်ရွက်နေတယ်လို့ သိရပါတယ်။ ဒါအပြင် ဒေသနှင့်ကိုက်ညီတဲ့ စပါးမျိုးများကို တောင်သူတွေ၊ ပုဂ္ဂလိကတွေနဲ့ ပူးပေါင်းဆောင်ရွက်နေပြီး  ထွက်ရှိလာတဲ့မျိုးစေ့ကို  ဖြန့်ဝေပေးနေတယ်လို့ ၀န်ကြီးက ပြောပါတယ်။ တိုင်းဒေသကြီးအတွင်း မြို့နယ်တွေမှာ နည်းပညာပြန့်ပွားရေးစင်တာ(Knowledge Center)(၁၉)ခု ဖွင့်လှစ်ပြီး တောင်သူတွေကို  စိုက်ပျိုးရေးနည်းပညာ တိုးပွားလာအောင် ဆွေးနွေးတာတွေ၊ လက်တွေ့ သရုပ်ပြတာတွေကို လုပ်ဆောင်ပေးနေပြီး သိလိုသမျှ မေးမြန်းတာတွေကိုလည်း ပြန်လည်ဆွေးနွေးဖြေကြားပေးနေတယ်လို့ သိရပါတယ်။

 

 

Related News