အများနှင့် သက်ဆိုင်သောစာကြည့်တိုက်မှူးများအဖွဲ့(Public Librarian Suopport Group)ဖွဲ့စည်းခြင်းအခမ်းအနားကို အောက်တိုဘာလ(၁)ရက်က အမှတ်(၁၀၄)သစ်တောလမ်း၊ အလုံမြို့နယ်မှာပြုလုပ်ခဲ့ပါတယ်။အများနှင့် သက်ဆိုင်သောစာကြည့်တိုက်မှူးများအဖွဲ့ (Public Librarian Suopport Group) ကိုတော့ မတည်ငွေ (၁၅)သိန်းနဲ့ စတင်ဖွဲ့စည်းတာဖြစ်ပြီး စာသင်ကျောင်းနဲ့ အများပြည်သူစာကြည့်တိုက်တွေက စာကြည့်တိုက်မှူးတွေကို သင်တန်းတွေပို့ချပေးသွားမှာဖြစ်တယ်လို့သိရပါတယ်။

သင်တန်းတွေကို ခေါင်းစဉ်လေးခုဖြစ်တဲ့ စာကြည့်တိုက်တစ်ခုရဲ့ လိုအပ်ချက်များစုစည်းနည်း၊ စာကြည့်တိုက် လှုပ်ရှားမှုများလုပ်ဆောင်နည်း၊ စာကြည့်တိုက်ဖွံ့ဖြိုးတိုးတက်အောင် လုပ်ဆောင်နည်း၊ စာကြည့်တိုက်မှူးအရည်အချင်းမြှင့်တင်နည်း စတဲ့ခေါင်းစဉ်တွေနဲ့သင်ကြားပို့ချပေးသွားမှာလို့ သိရပါတယ်။သင်တန်းတွေ ဖွင့်လှစ်တဲ့အချိန်မှာ လာတက်ရောက်ပြီးတဲ့ စာကြည့်တိုက်မှူးတွေအနက် သင်တန်းခေါင်းစဉ်(၄)ခုနဲ့အညီ တိုးတက်အောင် လုပ်ဆောင်နိုင်တဲ့စာကြည့်တိုက်မှူးတွေကို လအလိုက်စာကြည့်တိုက်မှူးဆု၊ နှစ်အလိုက် စာကြည့်တိုက်မှူးဆု၊ စာကြည့်တိုက်မှူးအထူးဆုတို့ကို ဆုချီးမြှင့်ပေးသွားမှာဖြစ်ပြီး စာကြည့်တိုက်အတွက်လည်း လိုအပ်တဲ့ စာအုပ်များလှူဒါန်းပေးသွားမှာဖြစ်တယ်လို့သိရပါတယ်။ အသင်းဖွဲ့စည်းခြင်းအခမ်းအနားနဲ့အတူ တစ်ဦးချင်းစီအတွက်စာအုပ်စတုဒီသာပွဲ၊စာကြည့်တိုက်တွေကို စာအုပ်လှူပေးတဲ့အစီအစဉ်စတဲ့အစီအစဉ်တွေပါ ကျင်းပခဲ့တယ်လို့သိရပါတယ်။

 

 

Related News