အထက်မြန်မာပြည်နည်းပညာတက္ကသိုလ်တွေ ပညာရေးပူးပေါင်းဆောင်ရွက်မှု သဘောတူလက်မှတ်ရေးထိုးပွဲ အခမ်းအနားကို အောက်တိုဘာလ ၄ ရက်က မန္တလေး နည်းပညာတက္ကသိုလ်မှာ ပြုလုပ်ခဲ့ပါတယ်။  ယခုပြုလုပ်တဲ့ ပညာရေးပူးပေါင်းဆောင်ရွက်မှုသဘောတူလက်မှတ်ရေးထိုးပွဲကို မန္တလေးနည်းပညာတက္ကသိုလ် နဲ့ အထက်မြန်မာပြည်မှာရှိတဲ့ နည်းပညာတက္ကသိုလ် (၁၈) ခုတို့ သဘောတူလက်မှတ်ရေးထိုးတာ ဖြစ်ပါတယ်။ ပြည်တွင်းက နည်းပညာတက္ကသိုလ်တွေအကြား သုတေသနလုပ်ငန်းဆောင်ရွက်ရာမှာအထောက်အကူပြုနိုင်စေဖို့၊ သင်ကြားရေးသင်ယူရေးနဲ့ဒေသတွင်းဖွံဖြိုးရေးလုပ်ငန်းတွေမှာ ပူးပေါင်းဆောင်ရွက်နိုင်ဖို့အတွက် အခုလို သဘောတူလက်မှတ်ထိုးလိုက်တာလို့ မန္တလေးနည်းပညာတက္ကသိုလ် နိုင်ငံတကာဆက်ဆံရေးဌာန ၊ တွဲဖက်ပါမောက္ခဒေါက်တာယုဝါသ်ိန်း ကပြောပါတယ်။

ဂျပန်၊ ဂျာမဏီ၊ ဗီယက်နမ်၊ ထိုင်းနှင့် တရုတ် နိုင်ငံ က နိုင်ငံတကာအဖွဲ့အစည်းတွေနဲ့ မန္တလေးနည်းပညာတက္ကသိုလ်က ပူးပေါင်းဆောင်ရွက်မှုဆိုင်ရာ သဘောတူလက်မှတ်ရေးထိုးထားတဲ့ထားတယ်လို့ သိရပါတယ်။ ဒါအပြင် မန္တလေးတိုင်းဒေသကြီးရှိ လုပ်ငန်းရှင်အဖွဲ့အစည်း ၆ခုနဲ့လည်း သဘောတူလက်မှတ်ရေးထိုးပြီး ပူးပေါင်းဆောင်ရွက်မှုတွေပြုလုပ်နေတယ်လို့သိရပါတယ်။ နည်းပညာတက္ကသိုလ်တွေ ပညာရေးပူးပေါင်းဆောင်ရွက်မှု လက်မှတ်ရေးလိုက်တာကြောင့် ကျောင်းသား၊ကျောင်းသူ အချင်းချင်း သုတေသနလုပ်ငန်းတွေလုပ်ဆောင်ရာမှာ ပူးပေါင်းလုပ်ဆောင်နိုင်မယ့်အစီအစဉ်တွေ၊ ပညာသင်ဆုတွေ နဲ့၊ လုပ်ငန်းခွင်အကြို အစီအစဉ်တွေမှာလည်း တစ်ဦးနဲ့တစ်ဦး ပြန်လည်ဝေမျှကာ အထောက်အကူပြုစေမှာဖြစ်တယ်လို့ ပြောပါတယ်။

အခုလို အထက်မြန်မာပြည်နည်းပညာတက္ကသိုလ်များ ပညာရေးပူးပေါင်းဆောင်ရွက်မှု သဘောတူလက်မှတ် ရေးထိုးပွဲကို ပညာရေးဝန်ကြီးဌာန၊ပြည်ထောင်စုဝန်ကြီး ဒေါက်တာမျိုးသိမ်းကြီး၊မန္တလေးတိုင်းဒေသကြီး သယံဇာတနှင့်ပတ်ဝန်းကျင်ရေးရာဝန်ကြီး ဦးမျိုးသစ်၊ အမျိုးသားပညာရေးမူဝါဒကော်မရှင် ဒုတိယဥက္ကဋ္ဌ ဒေါက်တာညီလှငယ်၊ ပြည်သူ့လွှတ်တော် ပညာရေးမြှင့်တင်မှုကော်မတီဥက္ကဋ္ဌ ဒေါက်တာတင်အောင်၊ ပညာရေးဝန်ကြီးဌာန အဆင့်မြင့်ပညာဦးစီးဌာန ညွှန့်ကြားရေးမှူးချုပ် ဒေါက်တာသိန်းဝင်း၊ မန္တလေးနည်းပညာတက္ကသိုလ်မှပါမောက္ခချုပ်နှင့် အထက်မြန်မာပြည်ရှိ နည်းပညာတက္ကသိုလ်များမှာ ပါမောက္ခချုပ်၊ ဒုတိယပါမောက္ခချုပ်တွေနဲ့ပါမောက္ခဌာနမှူးတွေ တတ်ရောက်ခဲ့ပါတယ်။

 

 

Related News