ရန်ကုန်မြို့တော်စည်ပင်သာယာရေးကော်မတီကကြီးမှူးကျင်းပတဲ့ မြို့တော်ဝန်ဆု ဒုတိယအကြိမ် ပြည်သူ့နီတိအသိပညာပေးစာမေးပွဲ ဗဟိုအဆင့်လူတွေ့ဖြေဆိုမှုကို နိုဝင်ဘာလ(၉)ရက်က ရန်ကုန်မြို့တော်ခန်းမမှာပြုလုပ်ခဲ့ပါတယ်။ မြို့တော်ဝန်ဆု ဒုတိယအကြိမ် ပြည်သူ့နီတိအသိပညာပေးစာမေးပွဲဖြေဆိုမှုရဲ့ဗဟိုအဆင့်လူတွေ့ စာမေးပွဲဖြေဆိုရာမှာ ဗဟိုအဆင့်ရေးဖြေ စာမေးပွဲက၀င်ရောက်ဖြေဆိုခဲ့ကြတဲ့ကျောင်းသား၊ ကျောင်းသူ(၃၈၇)ဦးထဲကအမှတ် အများဆုံးရရှိခဲ့တဲ့ မူလတန်းအဆင့်၊ အလယ်တန်းအဆင့်၊ အထက်တန်းအဆင့်မှ အဆင့်(၁)ဆင့်ဆီကအမှတ်အများဆုံးရရှိတဲ့ ကျောင်းသား၊ကျောင်းသူ (၂၀)ဦးစီစုစုပေါင်း (၆၀)ဦးက ၀င်ရောက်ဖြေဆိုကြတာပါ။

လူတွေ့စစ်ဆေးရာမှာတော့ ကျောင်းသားကျောင်းသူ တွေကို ပြည်သူ့နီတိရဲ့အဓိပ္ပါယ်၊ ပြည်သူ့နီတိအပေါ်ခံယူချက်တွေနဲ့ ပြင်ပမှာလိုက်နာဆောင်ရွက်မှု ရှိ၊ မရှိ စတာတွေကိုမေးမြန်းခဲ့တာလို့သိရပါတယ်။ဖြေဆိုခဲ့ကြတဲ့ကျောင်းသား၊ ကျောင်းသူ တွေကတော့ ကျောင်းစာကြည့်တိုက်ကစာအုပ်တွေအပြင် ပြင်ပဗဟုသုတတွေ၊ ဥပဒေနဲ့ပတ်သက် တာတွေ၊ စာရိတ္တနှင့်ပြည်သူ့နီတိ နဲ့ပတ်သက်တဲ့စာတွေကိုလေ့လာခဲ့ရတယ်လို့ပြောပါတယ်။လူတွေ့ဖြေဆိုရာမှာတော့ ဆရာကြီးဒေါက်တာဦးခင်အေး၊ ဆရာကြီးဒေါက်တာဦးထွန်းတင့်၊ ဆရာကြီးဂုဏ်ထူးဦးသိန်းနိုင်၊ဆရာဦးကောင်းသန့်၊ ဆရာဦးကြည်သန်း၊ ဆရာဦးတင်လှိုင်တို့က ဦးဆောင်စစ်ဆေးခဲ့တာဖြစ်ပါတယ်။

 

 

Related News