ရန်ကုန်တိုင်းဒေသကြီး အင်းစိန်မြို့နယ်မှာရှိတဲ့ အစိုးရစက်မှုလက်မှုသိပ္ပံသင်တန်းကျောင်း (GTI)မှာ (၂၀၁၈-၂၀၁၉)ပညာသင်နှစ်အတွက် သင်တန်းသား/သူ ဦးရေ (၂၉၇)ဦးကို လက်ခံသင်ကြားပေးသွားမှာဖြစ်တယ်လို့ အစိုးရစက်မှုလက်မှုသိပ္ပံသင်တန်းကျောင်း (GTI)ရဲ့ ကျောင်းအုပ်ကြီးထံမှ သိရပါတယ်။ အစိုးရစက်မှုလက်မှုသိပ္ပံသင်တန်းကျောင်း (GTI)ကို ၁၈၉၅ ခုနှစ်က စတင်တည်ထောင်ခဲ့တာဖြစ်ပါတယ်။ (၁၉၉၆-၁၉၉၇) ပညာသင်နှစ်မှာတော့ အကြောင်းမျိုးမျိုးကြောင့် ကျောင်းပိတ်ခဲ့ရပြီး (၂၀၁၇-၂၀၁၈)ပညာသင်နှစ်မှာ ပြန်လည်စတင်ဖွင့်လှစ်ခဲ့တာဖြစ်ပါတယ်။ဒီနှစ် (၂၀၁၈-၂၀၁၉)ပညာသင်နှစ်မှာတော့ ကျောင်းသား/ကျောင်းသူဦးရေ (၂၉၇) ဦးကို လက်ခံသင်ကြားပေးသွားမှာဖြစ်ပြီး အသက်အရွယ်ပိုင်းအခြားမကန့်သတ်ထားဘူးလို့ သိရပါတယ်။

ဒီကျောင်းမှာ သင်ကြားတဲ့ ဘာသာရပ်တွေအနေနဲ့ မြို့ပြအင်ဂျင်နီယာဘာသာရပ် (Civil ) ၊ အီလက်ထရောနစ်အင်ဂျင်နီယာဘာသာရပ် (EC) ၊လျှပ်စစ်စွမ်းအားအင်ဂျင်နီယာဘာသာရပ် (EP)၊ စက်မှုအင်ဂျင်နီယာဘာသာရပ် (Mech)၊ စက်မှုလုပ်ငန်းအင်ဂျင်နီယာဘာသာရပ် (IE)၊ သုတနည်းပညာဘာသာရပ် (IT) တို့ကို သင်ကြားပေးသွားမှာဖြစ်တယ်လို့သိရပါတယ်။အင်းစိန် (GTI )ကျောင်းမှာ တက္ကသိုလ်ဝင်တန်းအောင်ပြီး အင်္ဂလိပ်စာနဲ့ သချာင်္အမှတ်ပေါင်း အမြင့်ဆုံး(၁၆၉)မှတ်နဲ့ အနိမ့်ဆုံး (၁၃၈)မှတ်ရရှိတဲ့ ကျောင်းသား/ကျောင်းသူတွေကို လက်ခံခဲ့တာဖြစ်သလို စင်္ကာပူ-မြန်မာအသက်မွေးသင်တန်းကျောင်း၊ အစိုးရနည်းပညာသင်တန်းကျောင်းတို့မှ အထူးအောင်မြင်တဲ့ကျောင်းသားကျောင်းသူတွေကိုပါ လက်ခံသင်ကြားပေးသွားမှာဖြစ်တယ်လို့ သိရပါတယ်။

သင်တန်းကာလအနေနဲ့ (၃)နှစ်ကြာမြင့်မှာဖြစ်ပြီး  ဒီကျောင်းမှာ အထူးအောင်မြင်တဲ့ကျောင်းသား/ကျောင်းသူတွေ အနေနဲ့ နည်းပညာတက္ကသိုလ်တွေမှာ ဆက်လက်ပညာသင်ကြားနိုင်ပြီး သာမာန်အောင်မြင်တဲ့သူတွေအနေနဲ့ အဝေးသင်တက္ကသိုလ်တွေမှာ ဒုတိယနှစ်ကစပြီး ပညာသင်ကြားနိုင်တယ်လို့ သိရပါတယ်။အစိုးရစက်မှုလက်မှုသိပ္ပံသင်တန်းကျောင်း(GTI)မှာ (၂၀၁၇-၂၀၁၈)ပညာသင်နှစ်တုန်းကား ကျောင်းသား/ကျောင်းသူ (၂၂၁)ယောက်ကို လက်ခံပညာသင်ကြားပေးခဲ့ပြီး  ဘာသာရပ်(၅)ခုကိုသာ သင်ကြားပေးခဲ့တာဖြစ်ပါတယ်။ယခု (၂၀၁၈-၂၀၁၉)ပညာသင်နှစ်ကိုတော့ လာမယ့် ဒီဇင်ဘာလ(၃)ရက်မှာ ဖွင့်လှစ်သင်ကြားပေးသွားမှာဖြစ်တယ်လို့ သိရပါတယ်။ 

 

 

Related News