မန္တလေးဈေးချိုတော်က ဈေးသည်တွေကို အမှိုက်ခွဲခြားစွန့်ပစ်ခြင်းနဲ့ အမှိုက်ပုံးများပေးအပ်ခြင်းအခမ်းအနားကို ဖေဖော်ဝါရီလ ၁၁ရက်က မန္တလေးဈေးချိုတော် ဈေးရုံးမှာပြုလုပ်ခဲ့တာဖြစ်ပါတယ်။မန္တလေးမြို့ဟာအထင်ကရနေရာများစွာရှိပြီး ပြည်တွင်းပြည်ပ ခရီးသွားဧည့်သည်များ အမြဲမပြတ်ဝင်ရောက်နေ တဲ့မြို့တစ်မြို့ပါ။ မန္တလေးမြို့တော်ပိုမိုသန့်ရှင်းသာယာရေး နဲ့ အမှိုက်ကင်းစင်တဲ့မြို့ဖြစ်စေဖို့ကိုလည်း မန္တလေး မြို့တော်စည်ပင်သာယာရေးကော်မတီက အကောင်အထည်ဖော်ဆောင်ရွက်နေတာဖြစ်ပါတယ်။ မန္တလေးဈေးချိုတော်က ဈေးသည်တွေကို အမှိုက်စနစ်တကျခွဲခြားစွန့်ပစ်တတ်စေဖို့ အသိပညာပေးဆွေးနွေးပွဲပြုလုပ်တာဟာ ဈေးချိုတော် သန့်ရှင်းသာယာလှပစေဖို့၊ ဈေးသူ၊ဈေးသားတွေ အနေနဲ့ အမှိုက်တွေကို စနစ်တကျ စွန့်ပစ်တဲ့ အလေ့အထတွေရရှိစေဖို့၊ ချောင်း၊မြောင်း၊ကန်တွေထဲကို စည်းကမ်းမဲ့ အမှိုက်စွန့်ပစ်တာတွေ လျှော့ချစေဖို့အတွက် အသိပညာပေးဆွေးနွေးတာ ဖြစ်တယ်လို့သိရပါတယ်။

အမှိုက်ခွဲခြားစွန့်ပစ်ခြင်းနဲ့အမှိုက်ပုံးများပေးအပ်ခြင်းအခမ်းအနားကို မန္တလေးမြို့တော်ဝန်ရဲ့ ညွန်ကြားချက်နဲ့အညီ ကော်မတီဝင်တွေ၊ သက်ဆိုင်ရာ ဌာနမှူးတွေ၊ ဈေးသားသတ်ဌာနနဲ့ သန့်ရှင်းရေးဌာနတို့က ပူးပေါင်းပြီး ပထမအကြိမ်ပြုလုပ်တာဖြစ်တယ်လို့သိရပါတယ်။ အခုလို အမှိုက်ခွဲခြားစွန့်ပစ်ခြင်းစနစ်ကို မန္တလေးဈေးချိုတော်အတွင်းက ကုန်စိမ်းရောင်းဝယ်သူတွေ ၊ကုန်ခြောက်ရောင်းဝယ်သူတွေကို အဓိကထားဆွေးနွေးခဲ့တာဖြစ်တယ်လို့ သိရပါတယ်။ဒါ့အပြင် အမှိုက်နဲ့ပတ်သက်ပြီး အမှိုက်အစို၊ အမှိုက်အခြောက်ခွဲကာ စနစ်တကျခွဲခြားစွန့်ပစ်ရမယ့်စနစ်တွေကို လက်တွေ့ပြသခဲ့ကာ အမှိုက်ပုံး (၄၀)ကို ပေးအပ်ခဲ့တာဖြစ်တယ်လို့သိရပါတယ်။မန္တလေးမြို့တော်စည်ပင်သာယာရေးကော်မတီအနေနဲ့ အမှိုက်စနစ်တကျခွဲခြားစွန့်ပစ်စေဖို့ အသိပညာပေး ဆွေးနွေးမှုတွေကို မန္တလေးဈေးချိုတော်ဈေးအပြင် မန္တလေးမြို့နယ်အတွင်းက ဈေးအားလုံးရှိ ဈေးသည်တွေကိုလည်း အမှိုက်နဲပတ်သက်ပြီး အသိပညာများပေးခဲ့တယ်လို့သိရပါတယ်။

 

 

Related News