(၂၀၁၈-၂၀၁၉)ပညာသင်နှစ် တက္ကသိုလ်ဝင်စာမေးပွဲမှာ ကြည့်မြင်တိုင်မျက်မမြင်ကျောင်းမှ ကျောင်းသား၊ ကျောင်းသူ(၆)ဦး ၀င်ရောက်ဖြေဆိုမယ်လို့  သိရပါတယ်။

ကြည့်မြင်တိုင်မြို့နယ်ရှိ မျက်မမြင်ကျောင်းမှာ (၂၀၁၈-၂၀၁၉)ပညာသင်နှစ် တက္ကသိုလ်ဝင်တန်းဖြေဆိုမယ့် ကျောင်းသား/ ကျောင်းသူ (၆)ဦးရှိပါတယ်။လက်ရှိမှာလည်း တက္ကသိုလ်ဝင်တန်းဖြေဆိုကြမယ့် ကျောင်းသား/ကျောင်းသူတွေရဲ့ နေထိုင်ရေး အပိုင်း၊ စားသောက်ရေးအပိုင်းတွေ၊ စာသင်ကြားမှုအပိုင်းတွေအပြင် စိတ်ဓါတ်ပိုင်းဆိုင်ရာတွေကို လိုအပ်မှုမရှိအောင် ပြုလုပ်ပေး ထားတယ်လို့သိရပါတယ်။ ဒါ့အပြင်   ကြည့်မြင်တိုင်မျက်မမြင်ကျောင်းမှ  တက္ကသိုလ်ဝင်အောင်မြင်ပြီး ကျောင်းသားဟောင်း တွေနဲ့ သက်ဆိုင်ရာဆရာ၊ဆရာမတွေကလည်း ဖြေဆိုကြမယ့်ကျောင်းသား/ကျောင်းသူတွေကို  သင်ကြားပေးနေပြီး ပြောင်းလဲ လာမယ့် မေးခွန်းပုံစံသစ်တွေကိုလည်း လေ့ကျင့်ပေးနေတယ်လို့ သိရပါတယ်။

ပုံမှန်အားဖြစ် အမြင်အာရုံမသန်စွမ်းကျောင်းသား၊ကျောင်းသူတွေဟာ တွက်စာအပိုင်းမှာအားနည်းကြပြီး ကျက်စာအပိုင်းကိုသာ အားသန်ကြသူတွေဖြစ်တယ်လို့သိရပါတယ်။ဒါ့ကြောင့် အမြင်အာရုံမသန်စွမ်းသူတွေဟာ ယခင်နှစ်တွေက စာမေးပွဲဖြေဆိုဖို့ လေ့ကျင့်ရာမှာ ကျက် စာအပိုင်းတွေကိုသာ အဓိကထားလေ့ကျင့်ရတယ်လို့သိရပါတယ်။ သချာင်္ဘာသာရပ်မှာတော့ သချာင်္(၂) အပိုင်းတွေက ပုံဆွဲရတာကြောင့် သင်ကြားမှု အခက်အခဲရှိတယ်လို့သိရပါတယ်။ဒါ့ကြောင့် သချာင်္(၁)အပိုင်းတွေကိုသာ အဓိက ထားပြီး သင်ကြားလေ့ကျင့်ရတယ်လို့ ပြောပါတယ်။ အခု(၂၀၁၈-၂၀၁၉)ပညာသင်နှစ်ရဲ့ တက္ကသိုလ်ဝင်စာမေးပွဲရဲ့ မေးခွန်းပုံစံ သစ်မှာတော့ စဉ်းစားတွေးခေါ်မှုအပိုင်းတွေ ပါဝင်လာတဲ့အပြင် သင်ရိုးအားလုံးလေ့ကျင့်ရမှာဖြစ်တာကြောင့် အခက်အခဲရှိတယ် လို့ တက္ကသိုလ်ဝင်တန်းမှာ တက်ရောက်နေတဲ့ အမြင်အာရုံမသန်စွမ်းကျောင်းသားတစ်ဦးက ပြောပါတယ်။

ပြီးခဲ့တဲ့ (၂၀၁၇-၂၀၁၈)ကက္ကသိုလ်ဝင်တန်းစာမေးပွဲမှာ ကြည့်မြင်တိုင်မျက်မမြင်ကျောင်းမှ (၆)ဦးဝင်ရောက်ဖြေဆိုခဲ့ရာ (၄)ဦး အောင်မြင်ခဲ့ပြီး သုံးဘာသာဂုဏ်ထူး၊နှစ်ဘာသာဂုဏ်ထူး နဲ့ တစ်ဘာသာဂုဏ်ထူးတွေရရှိခဲ့တယ်လို့ သိရပါတယ်။

 

 

Related News