မန္တလေးနဲ့ရန်ကုန်ကစာပေတိုက်တွေ စုပေါင်းပြီး မန္တလေးမြို့တော်စည်ပင်သာယာရေးကော်မတီကို မတ်လ(၄)ရက်က မန္တလေးမြို့တော်စည်ပင် သာယာရေးရုံးမှာ စာအုပ်များလှူဒါန်းခဲ့ပါတယ်။နွေဦးအကြိုစာအုပ်ပွဲတော်မှာ မန္တလေးနဲ့ ရန်ကုန်ကစာပေတိုက်တွေ ဖွင့်လှစ်ရောင်းချပေးနေပြီး ဒီစာပေတိုက်တွေစုပေါင်းကာ မန္တလေးမြို့တော် စည်ပင်သာယာရေးကော်မတီကို စာအုပ်တွေလှူဒါန်းခဲ့တာပါ။ စာပေတိုက်တွေကလှူဒါန်းတဲ့ စာအုပ်မျိုးစုံကို မန္တလေးမြို့တော်ဝန်နဲ့ ကော်မတီ ဝင်တွေက လက်ခံရယူခဲ့ပါတယ်။ရန်ကုန်မြို့ကစာပေတိုက်တွေဖြစ်တဲ့ လင်းလွန်းခင်အပါအဝင် စာပေတိုက်၊စာပေတိုက်ခွဲ(၁၅)ခုကိုစာအုပ် ပွဲတော်မှာ အခမဲ့ရောင်းချခွင့်ပြုခဲ့တာကြောင့် အခုလိုလှူဒါန်းခဲ့တာဖြစ်တယ်လို့ လင်းလွန်းခင်စာပေတိုက်က ဦးသိန်းလွင်က ပြောပါတယ်။လှူဒါန်းခဲ့တဲ့စာအုပ်တွေက သုတ၊ ရသ၊ ကလေးစာပေ၊ ပညာရပ်ဆိုင်ရာစာပေ၊ ဘာသာရေးစာပေနှင့် အခြားစာအုပ်စာပေ (၃၀၀) ကျာ်ကို လှူဒါန်းခဲ့တာဖြစ်ပါတယ်။ လှူဒါန်းထားတဲ့ စာအုပ်တွေကို မန္တလေးစည်ပင်ရုံးရှိ ပင်မစာကြည့်တိုက်မှာ ထားရှိသွားမယ်လို့ မန္တလေးမြို့တော် စည်ပင်သာယာရေးကော်မတီဝင် ဦးကျော် ဆန်းမြင့်က ပြောပါတယ်။နွေဦးအကြို စာအုပ်ဈေးရောင်းပွဲတော်ကိုတော့ မန္တလေးကျုံးတောင်ဘက် ၂၆ လမ်း၊ ၇၁ လမ်း နဲ့ ၇၂လမ်းကြားမှာ မတ်လ ၂ရက် မှ မတ်လ ၆ရက် အထိ ဖွင့်လှစ်ရောင်းချပေးနေပါတယ်။

 

 

Related News