မတ်လ(၆)ရက်ကစပြီး မေးခွန်းပုံစံအသစ်နဲ့ဖြေဆိုခဲ့ကြတဲ့ တက္ကသိုလ်ဝင်စာမေးပွဲကတော့ ဒီကနေ့ မတ်လ (၁၃)ရက်မှာ ၀ိပ္ပံဘာသာတွဲနဲ့ သိပ္ပံဘာသာတွဲတွေကတော့ဖြေဆိုပြီးဖြစ်ပါတယ်။ကျောင်းသား/ကျောင်းသူအများအစုကတော့ မေးခွန်းပုံစံအသစ်နဲ့ဖြေဆိုရတဲ့အတွက် အခက်အခဲအနည်းငယ်ရှိတယ်လို့သိရပါတယ်။ အင်္ဂလိပ်စာနဲ့ သချာင်္ဘာသာရပ်တွေဖြေဆိုရာမှာ အခက်အခဲအနည်းငယ်ရှိခဲ့တယ်လို့သိရပြီး ရူပဗေဒဘာသာရပ်ကိုတော့ ကျောင်းသား/ကျောင်းသူအများစုက လွယ်ကူစွာဖြေဆိုနိုင်ခဲ့တယ်လို့သိရပါတယ်။(၂၀၁၉)ခုနှစ် တက္ကသိုလ်ဝင်စာမေးပွဲမှာ မေးခွန်းပုံစံအသစ်နဲ့ပြောင်းလဲဖြေဆိုရတဲ့အတွက် ကျောင်းသား/ကျောင်းသူ မိဘတစ်ချို့က စိုးရိမ်ပူပန်မှုတွေ ရှိခဲ့တယ်လို့လည်းသိရပါတယ်။

ဒါ့ကြောင့် စာမေးပွဲမဖြေဆိုခင်ကတည်းက ကြိုတင်ပြင်ဆင်မှုတွေပြုလုပ်ခဲ့ကြပြီး  အင်္ဂလိပ်စာနဲ့ သချာင်္ဘာသာရပ်တွေကိုတော့ အဓိကစိုးရိမ်ခဲ့ကြတာဖြစ်ပါတယ်။(၂၀၁၉)ခုနှစ် တက္ကသိုလ်ဝင်စာမေးပွဲမှာတော့ မေးခွန်းပုံစံအသစ်ပြောင်းလဲထားတာကြောင့် ကျောင်းသား/သူတွေအတွက် အောင်မှတ်ကို အလွယ်တကူရရှိနိုင်အောင် ဆောင်ရွက်ပေးထားပေမယ့် ဂုဏ်ထူးရရှိမှုအပိုင်းမှာတော့ ကျောင်းသား/သူတွေအနေနဲ့ မိမိတို့အတွေးအခေါ်နဲ့ ဖြေဆိုရတဲ့ မေးခွန်းပုံစံမျိုးတွေ ပြုလုပ်ထားတယ်လို့ သိရပါတယ်။မတ်လ(၆)ရက်မှ မတ်(၁၃)ရက် အထိကျင်းပခဲ့တဲ့ တက္ကသိုလ်ဝင်စာမေးပွဲမှာ ၀ိပ္ပံဘာသာတွဲနဲ့ သိပ္ပံဘာသာတွဲ တွေကတော့ ဖြေဆိုပြီးဖြစ်တယ်လို့သိရပါတယ်။ပထ၀ီဝင်နဲ့သမိုင်းဘာသာရပ်တွေကတော့ မတ်လ (၁၄)ရက်နဲ့ (၁၅)ရက်တို့မှာ ဖြေဆိုကြမှာ ဖြစ်တယ်လို့သိရပါတယ်။

 

 

Related News