(၂၀၁၉)ခုနှစ် တက္ကသိုလ်ဝင်တန်းဘာသာရပ် သိပ္ပံဘာသာရပ်တွဲနှင့် ၀ိပ္ပံဘာသာရပ်တွဲ ဖြေဆိုမှုက ဒီကနေ့ မတ်လ(၁၃)ရက်မှာ ဖြေဆိုမှုပြီးစီးသွားပြီဖြစ်ပါတယ်။ယခုနှစ် တက္ကသိုလ်ဝင်စာမေးပွဲမှာ စိတ်ကြိုက်မြန်မာစာဘာသာရပ်မှလွဲပြီး ကျန်ဘာသာရပ်များကို မေးခွန်းပုံစံသစ်စတင်ပြောင်းလဲတဲ့ နှစ်ဖြစ်ပါတယ်။ မေးခွန်းပုံစံသစ်စတင်ပြောင်းလဲလိုက်သလို ဒီမေးခွန်းပုံစံသစ်မှာ လွယ်၊ သင့်၊ ခက်၊ မျှ၊တစွာဖြင့် စဉ်းစားတွေးခေါ်ရတဲ့ မေးခွန်းပုံစံတွေပိုမိုပါဝင်လာတာကို တွေ့ရှိရတယ်လို့ ကလေးမိဘတွေပြောကြားချက်အရသိရပါတယ်။ အခုလို မေးခွန်းပုံစံသစ်ပြောင်းလဲမှုကို ဖြေဆိုကြတဲ့ကျောင်းသား၊ ကျောင်းသူတွေအနေနဲ့ အင်္ဂလိပ်စာ ဘာသာရပ်ဖြေဆိုရာမှာတော့ အခက်အခဲအနည်းငယ်ရှိခဲ့တယ်လို့ပြောပါတယ်။

(၂၀၁၉)ခုနှစ် တက္ကသိုလ်ဝင်စာမေးပွဲမှာ မေးခွန်းပုံစံအသစ်နဲ့ ပြောင်းလဲဖြေဆိုရတဲ့အတွက် ကျောင်းသား၊ ကျောင်းသူနဲ့ မိဘတစ်ချို့က စိုးရိမ်ပူပန်မှုတွေ ရှိခဲ့တယ်လို့ ပြောပါတယ်။(၂၀၁၉)ခုနှစ် မတ်လ(၆)ရက်မှ မတ်(၁၃)ရက် အထိကျင်းပခဲ့တဲ့ တက္ကသိုလ်ဝင်စာမေးပွဲမှာ ၀ိပ္ပံဘာသာတွဲနဲ့ သိပ္ပံဘာသာတွဲ တွေကတော့ ဖြေဆိုပြီးဖြစ်တယ်လို့ သိရပါတယ်။ ဖြေဖို့ကျန်နေသေးတဲ့ ၀ိဇ္ဇာဘာသာတွဲမှ ပထ၀ီဝင်နဲ့သမိုင်းဘာသာရပ်တွေကတော့ မတ်လ (၁၄)ရက်နဲ့ (၁၅)ရက်တို့မှာ ဖြေဆိုကြမှာ ဖြစ်တယ်လို့သိရပါတယ်။ ယခုနှစ်တက္ကသိုလ်ဝင်စာမေးပွဲသို့  ဝင်ရောက်ဖြေဆိုသူ ရှစ်သိန်းခွဲကျော်ရှိတယ်လို့ မြန်မာနိုင်ငံစာစစ်ဦးစီးဌာနမှ  သိရပါတယ်။

 

 

Related News