စင်္ကာပူအခြေစိုက်ဟိုတယ်နှင့်ခရီးသွားလုပ်ငန်းစီမံခန့်ခွဲမှု သင်တန်းကျောင်း SDH Institute (Singapore) မှ ပြည်တွင်းမှာရှိတဲ့ကျောင်းသားကျောင်းသူတွေကို လာရောက်ခေါ်ယူခြင်းနှင့် ပညာသင်ဆုအစီအစဉ်များ မိတ်ဆက်ခြင်းအစီအစဉ်ကို လာမယ့်မတ်လ (၂၃)ရက်မှာ MICT Park မှာကျင်းပပြုလုပ်မှာ ဖြစ်တယ်လို့ သိရပါတယ်။ဒီအစီအစဉ်ကို J&J Elixir(အဲလစ်ဇာ) Training and Consultancy Service မှ ဦးစီးကျင်းပတာဖြစ်ပြီး မြန်မာနိုင်ငံ၏ ခရီးသွားလုပ်ငန်းနယ်ပယ်ရှိအလုပ်အကိုင်အခွင့်အလမ်းများကို အလွယ်တကူရရှိနိုင်ရန်အတွက် ဟိုတယ်လုပ်ငန်း၊ ဟိုတယ်စီမံခန့်ခွဲမှုနှင့်လေကြောင်းလုပ်ငန်း စီမံခန့်ခွဲမှုဆိုင်ရာ အသက်မွေးဝမ်းကျောင်း ပညာရပ်များကို စိတ်ဝင်စားသော ပြည်တွင်းမှ ကျောင်းသားကျောင်းသူတွေအတွက် ရည်ရွယ်တာ ဖြစ်တယ်လို့သိရပါတယ်။

J&J Elixir Training and Consultancy Service က ပြည်တွင်းမှ ကျောင်းသားကျောင်းသူတွေအတွက် အနာဂတ်ပညာရေးနဲ့ ပတ်သက်တဲ့ အခွင့်အလမ်းတွေနဲ့ နိုင်ငံတကာကျောင်းတွေ၊တက္ကသိုလ်တွေမှာတက်ရောက်နိုင်ရန် ပံ့ပိုးကူညီပေးနေတဲ့ သင်တန်းကျောင်းတစ်ခုလည်းဖြစ်တယ်လို့သိရပါတယ်။ ကျောင်း၏သင်ရိုးညွှန်းတမ်းများမှာလည်း လက်တွေ့လုပ်ငန်းခွင်မှာ အသုံးချနိုင်တဲ့ပညာရပ်များဖြစ်တာကြောင့် ဘွဲ့ရကျောင်းသားများ၏ အနာဂတ် အလုပ်အကိုင်အခွင့်အလမ်းအတွက် အကျိုးကျေးဇူးအများကြီးရရှိမှာဖြစ်တယ်လို့သိရပါတယ်။

 

 

Related News