(၂၀၁၉)ခုနှစ် တက္ကသိုလ်ဝင်စာမေးပွဲကာလအတွင်း ရန်ကုန်တိုင်းဒေသကြီးမှာ စာစစ်ဌာနမှားရောက်လာခြင်းနဲ့ ဖြေဆိုခွင့်ကဒ်ပြား မေ့ကျန်ခဲ့တဲ့ ကျောင်းသား၊ ကျောင်းသူ (၁၂)ဦးရှိခဲ့တယ်လို့ သိရပါတယ်။ရန်ကုန်တိုင်းဒေသကြီးမှာ (၂၁၀၉)ခုနှစ်တက္ကသိုလ်ဝင်တန်းစာမေးပွဲကာလအတွင်း ယာဉ်ကြောကျပ်တည်းမှုကို ဖြေရှင်းပေးနိုင်ဖို့အတွက် ယာဉ်ထိန်းရဲအင်အား(၁၀၀၀)ကို ထားရှိပေးထားတဲ့အပြင် ယခုနှစ်မှစပြီး စာစစ်ဌာနတစ်ခုချင်းစီမှာ ယာဉ်ထိန်းရဲတပ်ဖွဲ့မှ ကျောင်းသား၊ ကျောင်းသူတွေ အနေနဲ့စာမေးပွဲကာလအတွင်း စာစစ်ဌာန မှားရောက်လာတာတွေ၊ စာမေးပွဲဖြေဆိုခွင့် ကဒ်ပြားမေ့ကျန်ခဲ့တာတွေနဲ့ အရေးပေါ် ဖြစ်ခဲ့ရင် အဆင်သင့် ကူညီနိုင်စေဖို့အတွက်ရည်ရွယ်ပြီး မီးတန်းဆိုင်ကယ်နဲ့ မီးတန်းယာဉ်တွေ ထားရှိပေးထားတာဖြစ်ပါတယ်။

ဒီလိုမီးတန်းဆိုင်ကယ်နဲ့မီးတန်းယာဉ်တွေ ထားရှိပေးခဲ့အတွက် မြန်မာစာဘာသာဖြေဆိုတဲ့နေ့မှာ စာစစ်ဌာနမှား ရောက်လာတဲ့ ကျောင်းသား၊ သူ(၃)ဦး၊ အင်္ဂလိပ်စာဘာသာဖြေဆိုတဲ့နေ့မှာ ဖြေဆိုခွင့်ကဒ်ပြား မေ့ကျန်ခဲ့ခြင်းနဲ့ စာမေးပွဲခန်းထဲကို အချိန်မီ မရောက်နိုင်ခဲ့တဲ့ ကျောင်းသား၊ သူ(၆)ဦး၊ သချာင်္ဘာသာဖြေဆိုတဲ့နေ့မှာ ဖြေဆိုခွင့်ကဒ်ပြား မေ့ကျန်ခဲ့တဲ့ ကျောင်းသား၊သူ(၂)ဦး၊ ဓာတုဗေဒဘာသာဖြေဆိုတဲ့ နေ့မှာ ဖြေဆိုခွင့် ကဒ်ပြားမေ့ကျန်ခဲ့တဲ့ ကျောင်းသား၊ သူ(၁)ဦး စုစုပေါင်း(၁၂)ဦးရဲ့ အခက်အခဲတွေကို  (၂၁၀၉)ခုနှစ် တက္ကသိုလ်ဝင်တန်းစာမေးပွဲကာလအတွင်း ကူညီဖြေရှင်းပေးနိုင်ခဲ့ပါတယ်။(၂၀၁၉)ခုနှစ်တက္ကသိုလ်ဝင်ခွင့်စာမေးပွဲကို တစ်နိုင်ငံလုံးအတိုင်းအတာအနေ နဲ့ ကျောင်းသား၊ကျောင်းသူ (၈)သိန်း(၉)သောင်းကျော်  ၀င်ရောက်ဖြေဆိုခဲ့တာဖြစ်ပြီး  ရန်ကုန်တိုင်းဒေသကြီးအတွင်းမှာတော့ မြို့နယ်ပေါင်း (၄၅)မြို့နယ်မှာ စာဖြေစာစစ်ဌာနပေါင်း (၂၂၇)ခု ဖွင့်လှစ်ပြီး ကျောင်းသား၊သူ (တစ်သိန်းနှစ်သောင်းကိုးထောင်)ကျော်ဝင်ရောက် ဖြေဆိုခဲ့တယ်လို့သိရပါတယ်။

 

 

Related News