ရန်ကုန်မြို့တော်စည်ပင်သာယာရွေးကောက်ပွဲအတွက် မဲရုံမှူး၊ဒုမဲရုံမှူး၊မဲရုံအဖွဲ့ဝင်တွေကို လှိုင်သာယာမြို့နယ်ရှိ အ.လ.က (၁) မှာ မတ်လ(၁၈)ရက်မှ (၂၀)ရက်အထိ (၃)ရက်ကြာ လုပ်ငန်းလမ်းညွှန်သင်းတန်းပေးခဲ့တာဖြစ်ပါတယ်။ရန်ကုန်မြို့တော်စည်ပင်သာယာရွေးကောက်ပွဲအတွက်လုပ်ငန်းလမ်းညွှန်သင်တန်းပေးတာတွေကို ဖေဖော်ဝါရီလကတည်းက မြို့နယ်ကော်မရှင်အဖွဲ့ဝင်တွေကို ဆောင်ရွက်ရမယ့် လုပ်ငန်းစဉ်တွေအကြောင်း သင်တန်းပေးခဲ့သလို လုပ်ငန်းလမ်းညွှန် စာအုပ်တွေလည်းပေးခဲ့ပါတယ်။သင်တန်းတက်ပြီးသူတွေက မြို့နယ်နဲ့ကျေးရွာအုပ်စုတွေမှာ ရွေးကောက်ပွဲအတွက် သင်တန်းပြန်ပြီးပေးရမှာဖြစ်ပါတယ်။ နောက်ဆုံးအဆင့်မှာတော့ မဲရုံမှူး၊ဒုမဲရုံမှူးနဲ့ရွေးကောက်ပွဲအဖွဲ့ဝင်တွေ များပြားတာကြောင့် တိုက်ရိုက်သင်တန်းမပေးနိုင်တော့ဘဲ ခရိုင်(၄)ခရိုင်မှာရှိတဲ့ နည်းပြတွေကိုသာ သင်တန်းပေးနိုင်ခဲ့ပြီး နည်းပြတွေကတစ်ဆင့် ရွေးကောက်ပွဲမှာ ဆောင်ရွက်ရမယ့်လုပ်ငန်းစဉ်တွေကို မြို့နယ်အလိုက် သင်တန်းတွေပေးခဲ့တာဖြစ်ပါတယ်။

ရွေးကောက်ပွဲအတွက် သင်တန်းပေးတာတွေကို မတ်လ(၁၇)ရက်ကနေ(၂၂)အထိ မြို့နယ်တွေမှာ ပေးဖို့အတွက် သတ်မှတ်ထားတယ်လို့သိရပါတယ်။ဒါ့အပြင် လှိုင်သာယာမြို့နယ်မှာ လူဦးရေများပြားပြီး မဲရုံပေါင်း(၂၄၄)ရုံရှိတာကြောင့် အများပြည်သူသိရှိအောင် သင်တန်ပေးတာဖြစ်တယ်လို့သိရပါတယ်။ ရွေးကောက်ပွဲမှာပါဝင်မယ့် ဆရာ၊ဆရာမတွေနဲ့ရပ်ကွက်ကျေးရွာအုပ်စုတွေကို ပြီးခဲ့တဲ့(၂၀၁၀)ရွေးကောက်ပွဲမှာ တာဝန်ထမ်းဆောင်ခဲ့သူတွေကို ပြန်လည်တာဝန်ပေးခဲ့တာဖြစ်တယ်လို့သိရပါတယ်။ရန်ကုန်မြို့တော်စည်ပင်သာယာရွေးကောက်ပွဲအတွက် ရန်ကုန်မြို့တော်စည်ပင်သာယာနယ်နိမိတ်(၃၃)မြို့နယ်မှာ ရပ်ကွက်ပေါင်း(၆၁၃)ရပ်ကွက်၊မဲရုံပေါင်း(၂၈၇၉)ရုံ၊တာဝန်ထမ်းဆောင်မယ့်ဝန်ထမ်းပေါင်း( ၂၈၇၉၀)ဦးနဲ့ ဆန္ဒမဲပေးမယ့်သူ(၃.၄)သန်းနီးပါးရှိတယ်လို့သိရပါတယ်။

 

 

Related News